Matrix｜林迪安跟八爷去荷里活　翻译频出错激发自学英文︰好自豪

香港武打演员及动作指导林迪安（Dion），在行内是数一数二的动作指导，曾经跟八爷袁和平一齐到荷里活发展，拍下《廿二世纪杀人网络》（Matrix）系列，其动作场面成为全球经典。日前，林迪安去到文隽的YouTube频道“讲呢啲 讲𠮶啲”接受访问，讲到在荷里活发展的经历。【影片连结】

去荷里活发展以为讲笑

林迪安讲到当时跟八爷做副动作指导，有日八爷跟自己说有机会到荷里活发展，他以为开玩笑，猛说要预埋自己一份。结果有一日，八爷真的约他出去开会，为荷里活之行做准备，从而便跟6位兄弟，齐齐陪八爷勇闯荷里活。

到荷里活发展，最大问题是语言，虽然片场有提供翻译，但期间就发生一些误差令林迪安不得不自学英文。“我当时英文好差，差到连‘When’同‘What Time’嘅意思都唔识分，有次演员约我食饭，我想问佢几时？便问‘What time？’对方听到一头雾水。我就系喺在咁嘅情况下去荷里活发展。”

翻译频出错激发自学

而触发林迪安要学英文的，是因为教演员所做的动作，出来都不对版。“例如我同翻译讲，要佢哋踏大步啲，个马要坐低啲，但我发现出嚟嘅效果，完全唔系𠮶回事，个翻译讲错晒我嘅意思，开始觉得唔对路，便醒觉自己要学好英文。”

除了买书看，林迪安亦有请补习老师，逢星期六、日又落社区学英文，更争取机会日日讲，到学会了基本英文可以沟通下，便开始改善跟翻译的合作模式。“之前我会同翻译讲︰‘叫佢用力打个直拳啦！’到学咗英文之后，我会问翻译‘直拳’点讲？‘Straight Punch’，‘OK！You Straight Punch，more power！’一切从咁样开始，唔再系直接叫翻译讲。”

同30人用英文开会都冇问题

虽然都系简单英语词汇，但过程已经相当够用，亦能直接向演员表达想要的效果。“几年后拍《蜘蛛侠2》（2004），合作嘅都系A-grade嘅制作人，但我已经可以用英文，同30几位，各部门的阿头开会，当然可能佢哋都会有听唔明嘅地方，但我会一轮嘴不停讲，令我觉得好自豪，学英文变成自己最大收获。”

曾经在香港和荷里活拍戏，要道出两地的不同，林迪安觉得香港拍摄较灵活，但欠系统，荷里活就刚刚相反。“在香港，只要现场两、三个人有共识，对白、动作等都可以改，但坏处系冇系统。相反，荷里活好注重前期工作，你想临时改一句对白，要向导演、监制、老板请示，每样嘢都涉及保险。”因为分分钟因为修的一句对白，足以影响到电影日后如有任何损失，都不获赔偿，所以大家都小心处理。

对于人人大赞人品好的奇洛李维斯，更指每次跟他合作完，都会送手表、电单车等礼物，对工作人员如朋友一样。而问到林迪安，他就表示冇收到电单车。“因为我冇电单车牌，又唔钟意，不过就收到个Tiffany的Money Clip，上面仲写住Many Thanks。”