做个有钱人︱吴肇轩赴马拍戏酒店遇撞鬼　登上新闻竟意外成打卡点

马来西亚与香港合拍喜剧《做个有钱人》，由张继聪、吴肇轩、童缤毓、罗家英及吴岱融等主演，电影今日（21日）于香港举行首映礼。吴肇轩代表因工离港的张继聪等主演出席，并在首映礼上接受传媒访问，分享在马来西亚拍摄期间成为当地“大新闻”的趣事，以及意外闹鬼的灵异事件！

吴肇轩与张继聪在《做个有钱人》里饰演好兄弟，吴肇轩受访期间亦表示阿聪在现实生活中亦是自己的大哥哥：“我嘅师兄、我嘅上帝、我非常强嘅前辈，唔敢话系兄弟呀！”更笑言：“好荣幸同佢演中学同学，我读中学嘅时候都估唔到有一日会同张继聪演中学同学！佢系大明星嘛！我冇咩特别意思嘅！”张继聪作为香港喜剧常客，除了在片场分享不少演戏经历与戏剧理论，在电影上映后亦大赞吴肇轩的表现，吴肇轩笑指：“佢去咗马来西亚嘅首映，反而我冇去到、所以未睇，佢睇完之后录咗段好长嘅语音讯息畀我，赞我演得好，我即刻周围畀经理人、朋友听，话张继聪都赞我呀！”

谈到赴马来西亚拍摄电影的趣事，吴肇轩笑言：“我啱啱拍完《做个有钱人》转拍《无惧》中间，因为喺酒店撞鬼所以上咗马来西亚报纸！”吴肇轩表示遇上灵异事件却让他因祸得福，在马来西亚免费曝光长达两个月：“佢哋当地新闻会喺（公众场所）大屏幕播出嚟，但唔知发生咩事、坏咗，我个样棘咗喺上面几个月。无论咩新闻都系我个样，马来西亚有两个演员离婚系我个样、谢霆锋去双子塔又系我个样，我变咗个打卡点！”

至于在酒店住宿发生的灵异事件，吴肇轩表示自己没有阴阳眼等特异能力，但亦感到阴森：“我第一次换酒店房系因为有跳蚤，换房嘅时候已经感觉到新嘅房好耐冇人住过，间房浴室架又松脱、又漏水。我觉得阴森、起鸡皮嘅，到夜晚睇电话，一路觉得有对眼喺后面望住我，所以就请求要换酒店。”吴肇轩笑言或许当地与香港习惯不同，没有先“打招呼”再入住房间：“同埋马来西亚带我上酒店房𠮶个人好有礼貌，佢帮我开埋门、门都冇畀我敲，可能因为咁濑嘢啦！”但搬酒店后仍然遇上棘手事情：“点知换酒店之后，顶楼因为维修所以好嘈，所以我又再换房，前后换咗三次就上咗新闻！”遇上灵异事件后，吴肇轩笑言要向张继聪学习，操练肌肉增添阳气！