久别重逢︱许恩怡赴意大利出席电影节　放映获拍掌两分钟感动吓呆

于意大利北部小镇乌甸尼举行、每年一度的远东电影节(Far East Film Festival)圆满结束，今年电影节有多部港片参与，包括《爸爸》、《虎毒不》、《焚城》等，其中《久别重逢》更成为电影节的一大亮点，主演许恩怡（Natalie）与导演梁礼彦代表出席，二人出席逾10场活动、放映会跟座谈，宣扬香港电影。

这次电影节，不少香港影坛新力军参与，Natalie与梁导演同样是首次踏足远东电影节，此行深深受到当地热爱香港电影的观众感动，Natalie说：“喺电影放映𠮶日系喺一个剧院入面睇，系有三层楼咁高嘅一个剧院，声音效果各样都系好震撼，加上第一次同梁导演参加电影节，感觉系十分之期待！我专登留意外国嘅观众睇字幕时候嘅反应，因为我知道佢哋会好细心咁睇，发现原来观众系完全投入到同捕捉到戏入面嘅感觉同意思，完咗之后大家拍掌两分钟，我系未试过，真系惊讶到呆咗，企喺度都唔知畀咩反应好，感觉好梦幻，好唔真实。今次嚟到真系好值得！”

她续说：“电影节嘅观众真系好热情，佢哋唔只钟意电影，仲系好钟意香港电影，喺呢个时候电影市道嘅状况，好多人都系太乐观，但系嚟到意大利呢度遇到一班咁热爱香港电影嘅观众，真系好大嘅鼓励，同时亦都改变咗我嘅心态，佢哋系一群陌生嘅人，就连喺街上遇到佢哋，都会好主动去同我讲支持，真系好希望香港电影可以去到世界唔同地方，嚟紧我会去台北、纽约嘅电影节，透过呢部电影介绍香港呢个地方、分享广东话呢种语言、文化等等，带住香港故事畀大家认识，系好珍贵嘅经验。”

这次是Natalie首次到意大利，Nat的姐姐也专诚从英国飞到意大利陪伴，Natalie说：“我家姐都有同我一齐，认识我工作同电影嘅团队，感觉系大家去到边个地方，电影都可以将大家connect埋一齐。呢度嘅天气好好，每一处地方都好似画咁靓，我哋仲日日都食gelato同tiramisu，好开心！”