金像奖︱何启华遮实咖喱鸡上阵　魏浚笙又爆金句：我生日半发烧！

“第43届香港电影金像奖”颁奖典礼将于4月27日在文化中心举行，金像奖董事局主席尔冬升今日（25日）携同文隽、张继聪、刘天兰、钱嘉乐等一众董事及何启华、魏浚笙等颁奖嘉宾一同出席入台拜神仪式。张继聪、何启华与魏浚笙于拜神仪式后接受传媒访问，谈到重设“最佳衣著奖”，魏浚笙天真地表示：“咦！好似系我哋颁㖞！”何启华随即表示：“系我哋颁呀，所以我哋未必攞得到！除非我哋交换颁，但都要问下我哋嘅Partner王丹妮同埋Locker林家熙先！”

何启华作为“最佳衣著奖”颁奖嘉宾，近日于《三命》里的造型被观众大赞，连ERROR队友肥仔梁业都赞不绝口，阿Dee笑言：“讲真肥仔咁讲系妒忌啫！妒忌我有个咁好嘅角色、咁好嘅演出机会！我自己觉得系我幕前演出最有魅力嘅一次！”笑言发型是造型关键，连张继聪亦开玩笑指：“我都系卢仔粉丝嚟，人又好、画功又叻、执阴（浏海）又正！系要呢个长度、多一吋少一吋都做唔到呢个效果！”阿聪更笑言何启华应该以该造型现身金像奖红地毡：“最佳造型仲唔系你？！”阿Dee连忙耍手拧头：“𠮶个发型要Book㗎！我冇咁多Budget、好贵㗎，剪多一吋就唔系𠮶样嘢，有啲水准㗎！”

何启华今日“负伤”现身，喉间贴上一片胶布，他表示是今日造型一部分，因为剃须被𠝹损，笑言：“我明白大家要捞嘢，所以可以话系咖喱鸡㗎！我哋队友都应该会引以我为傲！”魏浚笙早前生日期间发烧，表示身体已经康复：“发烧呢又长高不少，听闻系会长高嘅！米九㗎喇！”张继聪随即低头望向Jeffrey脚上的“松糕鞋”，笑言：“快高长大啦！”引起全场大笑！魏浚笙竟然又爆金句指：“生日当日半发烧！点样‘半发’呢？因为起身仲发紧烧，做嘢嘅时候出咗身汗、又好返啲咁！”

谈到魏浚笙“财多身子弱”，话题随即转向最近首次置业、接连购入新楼盘两个单位的何启华，阿Dee随即扮作发脾气：“系呀买楼！唔好再提买楼呀、好烦呀！买楼咁又点呢？系要住㗎嘛！冇楼嘛、冇楼先要买嘛！你估我好有楼呀！”令张继聪与魏浚笙大笑！

魏浚笙好友Tyson Yoshi最近因在女粉丝胸前签名爆红，更挑战魏浚笙尝试，Jeffrey轻松地表示：“冇所谓啦！有嚟到大家开心咪签啰！（Tyson觉得你唔够胆）佢试下攞对嘢出嚟睇下我签唔签啰！（女粉丝呢？）佢粉丝梗系佢签啦！吓？女粉丝？可以嘅……”张继聪随即笑指：“刻落去啦！攞把刀嚟呀！”