虎毒不︱卢镇业朱栢康争金像男配 谈善言两个老公二拣一：我撑……
香港家庭伦理剧情片《虎毒不》，由《沦落人》导演陈小娟执导，谈善言、“小野”卢镇业、冯素波、文颂娴及强尼主演。电影今日（12日）举行首映礼，导演携同一众演员出席，为入围月底即将举行的“第43届香港电影金像奖”率先造势，并为凭作品提名“最佳女主角”的谈善言与“最佳男配角”的卢镇业集气加油！
《虎毒不》男女主角谈善言与卢镇业，于首映礼上接受传媒访问，二人在拍摄电影前已合作拍摄MV作品，为电影埋位便已一拍即合，谈善言表示：“我哋呢套戏好要求生活感，所以同佢一埋位、交流对戏就已经好放心！”卢镇业亦大赞谈善言的毅力与投入：“佢出咗名系意志强大嘅演员，𠮶时佢只脚啱啱好返冇几耐，就已经要增磅。我记得试造型一见到佢，心谂‘哗！真系唔认得妳！’同以前识落嘅阿谈好唔同，已经有说服力！试造型之后就影道具相，好似度蜜月咁，好似真系两公婆咁！”
谈善言与卢镇业提到在拍摄前，曾一同到余香凝家中体验照顾新生婴儿的过程，谈善言透露当中过程表示：“试咗一晚、体验咗一晚，究竟凑BB成晚嘅流程系点，成晚冇瞓嘅过程又系点，余香凝都有讲好多感受畀我听。”小野随即笑言早于体验时已入戏做猪队友老公：“我就试咗半晚、成咗个饭、同BB影咗张相，阿谈开始凑个BB嘅时候，我就走喇！非常称职！”
至于生小朋友的念头，谈善言随即耍手拧头：“本身都唔敢嘅！但系拍完之后有见过啲好好嘅拍档，好似小娟（导演）同佢老公咁，会好似管理公司一样制定政策、方向，值得参考下㗎！多咗一份想像空间，以前我就唔敢谂，依家可以谂下嘅！”至于目前有潜力组织家庭的拍档，阿谈则笑言：“跳得有啲远！未有呀，工作上太多嘢要处理喇！”
卢镇业凭《虎毒不》提名金像男配，入围者亦包括主演《破．地狱》的朱栢康，朱康与谈善言在《不日成婚》系列饰演夫妻，面对“两位老公”手背手心都是肉，阿谈笑言：“计时间㗎嘛，依家佢先系我戏入面嘅老公！今年我撑小野！”小野随即开玩笑：“你睇下淑贞全身都系肉，所以唔系拣我哋两个！”