张家辉不满粉丝极端行为即场训话　“咁大个仔唔好咁样”网民大赞

张家辉自导自演的第四部作品《赎梦》，上画以来票房已破800万，而张家辉仍继续亲自到戏院，四出谢票宣传。昨晚（10/4）在社交平台Threads便流出一段，张家辉向粉丝训话的片段，内容指粉丝要求家辉为他做不同事情，做不到便发狂，家辉于是即场向粉丝训话1分钟，内容被网民赞，纷纷指用心教导粉丝，苦口婆心，是影帝典范。

影片拍摄环境昏暗，相信是家辉完成宣传后，在停车场准备上车离开时，被数名粉丝上前要求签名和合照，而片段一开始，就是家辉向粉丝训话︰“有时做我可能真系签唔到名，拍唔到照，你唔可以唔接受呢啲情况，即系我每次都要同你去做晒所有嘢先咩，你支持我我好多谢你，但你每次好极端咁，我一定要咁我一定要咁我……又唔可以一定，你咁大个仔，出嚟社会经历好多嘢，都系需要有啲唔系一定，系咪呀？”

粉丝似乎未有留心听讲，反而想加强表示自己的忠诚度︰“我有睇过你𠮶套……”家辉便立即抢著回应︰“我知呀，如果有些时候我真的签不到，你唔好咁极端，知唔知道呀！知唔知？我唔想听你𠮶啲你睇过我咩嘢，我要你知道你自己咁大个仔，唔好咁样，知唔知呀！人家话做唔到你啲嘢，你就发狂，唔可以咁样㗎嘛！我哋喺社会做嘢，成日都会碰到一啲唔如意嘅事，唔可以一啲唔如意嘅嘢，我哋自己就呀！呀！呀！咁样唔得㗎，系吗？明唔明白呀？”

家辉再三强调要对方明白，答明白才肯帮他签名。与此同时另一粉丝又要求合照，家辉亦收起激动情绪，不好意思地说︰“唔得，影唔到。”被训话的粉丝随即又有怨言，家辉再次出声︰“你唔好嘈，我签咗就系㗎喇，好冇，记住唔好咁样，知唔知！”

虽然张家辉全程表现激动，但影片一出，都获得大量网民支持，力赞他用心教导粉丝。赞他大可以花多几秒，影相签名便走人，但他反而不厌其烦，藉这个机会劝戒一个年青人，教晓他在社会生存的道理。有网民更指他果然是《流氓师表》，教化年轻人。