亚洲电影大奖︱刘青云被赞与役所广司气质相似︰我系佢影迷好多年
撰文： 莫匡尧
出版：更新：
年度影坛盛事“第18届亚洲电影大奖颁奖典礼”今日（16日）举行，本届一共颁发21项大奖，刘青云凭《爸爸》首度荣封亚洲影帝，李康生与杨贵媚则获颁最佳男、女配角奖。刘青云于颁奖台上从上届影帝役所广司手上接过影帝奖座，一同步入后台接受传媒访问，刘青云在欢呼声中踏上舞台，听到大家高叫“爸爸”亦笑得合不拢嘴！
刘青云于后台接受传媒访问时，表示开始习惯被叫爸爸：“其实我拍完《爸爸》之后，戏入面嘅仔女见到我都会叫爸爸，谷祖琳喺导演会攞奖后，都叫佢哋send幅相畀爸爸，能够有呢一家人系好开心嘅！”
青云直言能够得奖全因剧中家人，亦因此再三道谢。对于在台上神色略显紧张，刘青云心情仍未平复：“虽然我有啲紧张，因为我……真系有啲紧张！多谢大家一直以嚟咁支持我、支持香港电影，只要大家有信心，其实唔需要担心寒冬，因为所谓寒冬我都经历过唔少次！”更表示希望将各位的支持与欢呼送给自己深爱的香港电影：“我记得我第一次攞金像奖最佳男主角，听到好多传媒喺后台嘅欢呼，跟住我上咗台就唔知应该讲咩，好多时候你哋嘅欢呼声令到我好紧张。我希望大家嘅欢呼声可以畀港产片！”
从上届影帝役所广司手上得奖，刘青云直言已成对方影迷多年：“役所先生系好优秀嘅演员，咁讲好似唔系好礼貌，但系我同身边嘅朋友喺好多年前已经睇佢嘅电影，好似《鳗鱼》咁！”刘青云凭沉实演技演活《爸爸》中形象平实的角色，当被称赞与役所广司气质相近时，刘青云笑言：“佢有型好多！佢年轻嘅时候好靓仔！（你都靓仔呀！）我谦虚呀嘛，梗系咁讲啦！”