2025金像奖︱尔冬升无惧港产片寒冬减产 “金像奖唔会消失”
2025年“第43届香港电影金像奖”今日（14日）举行记者招待会，金像奖协会董事局主席尔冬升携同袁澧林、谢咏欣、Marf邱彦筒及欧镇灏四位负责宣读名单的新晋演员，宣布本届19项大奖提名名单。
金像奖主席尔冬升与副主席文隽于记者会上接受传媒访问，表示本届共有46部作品参与竞逐，略低于去年总数50部，选民数目共2052人。尔冬升被问及今届心水时，他笑言：“我好尴尬呀系主席身份，我有冇心水好似唔系好方便讲。”至于大哥秦沛及二嫂李琳琳分别入围，尔冬升笑言：“一个大佬、一个阿嫂我梗系要帮佢哋拉票啦！秦沛依家喺温哥华，佢入咗围就唔驶我请佢返嚟！”
尔冬升于记者会致辞期间，透露自己入行50年，并已担任金像奖董事局主席长达10年，笑言一直未有继任人选︰“做金像奖最难就系揾接班人！导演会又系，做呢啲位最难，大家都知文隽以前都做过主席，依家开始游说以前做过主席𠮶啲重出江湖！”文隽马上四両拨千斤笑言︰“我同你共同进退！我哋同年㗎！好难㗎，因为要出心出力、对行业有感情、责任，做得唔好仲畀人闹！所以要多谢主席做咗10年！”
谈到香港金像奖接班人才，尔冬升表示对新一代信心十足，不少演员及幕后人员均渐趋成熟︰“我对我哋嘅人力好有信心，今年同明年个市场都唔系太好，几部片卖钱唔代表整个工业系健康，我希望行业所有前辈、监制一齐协助佢哋，减轻行政、发行嘅工作，畀佢哋专心创作拍戏。”
近日不少业界人士提及港产片将迎来寒冬期，尔冬升表示情况对金像奖举行影响不大：“旧年年中有两个月好少戏上画，我就好紧张、喺业内问有几多戏会上，好在年尾𠮶阵有好多戏飙出嚟。但系明年……我依家已经开始问紧，希望今年开嘅戏多啲，维持到起码四字头（超过40部）可能会健康啲。但系我哋金像奖做唔到任何嘢，我哋都好被动，不过有啲嘢唔需要太悲观。”
被问到若香港电影年产量不足，金像奖会否暂停一届累积片目，尔冬升表示不会影响金像奖的举行︰“金像奖唔会消失，点都会办到落去！”文隽亦表示：“第一届得五个奖咋嘛，都系咁搞。”尔冬升续指︰“如果我哋产量真系跌咗，可能唔会搞到咁奢华啰，缩细佢搞啰。”