专访│特技化妆师陈嘉伟撑港片可不计成本：有时间又啱倾我都会做

特技化妆师陈嘉伟Gary 小时候因一套日漫，只身走到美国学特技化妆，他说：“细个睇咗套日本《Gimmick特技化妆》，你知日本漫画几热血啦，热血到我即刻报名去美国学特技化妆...阿爷同老豆（著名化妆师陈文辉、陈志达）反而唔想我重蹈佢哋覆辙，佢哋觉得一对手做到啲乜?佢想我做生意，当时有少少反叛心态，‘你哋觉得我唔得呀?我就得俾你睇’”结果Gary 学成归来，成为了特技化妆师。

少年不理家人反对，追梦成功，故事写到这里，最动人，最热血，但特技化妆师陈嘉伟Gary 说：“如果我只靠特技化妆为生，我应该食咗屎，可能一早死咗!”

所以他入行后，很快涉猎其他工作“一年有几多套香港电影?又有几多套需要特技化妆?所以我一定要谂，我唔想用脑，但冇得唔用。”追梦难，但更难的是生活。

末日前创作Cult片

电影《糖街制片厂》原先打算在农历新年上映，可惜，因为疫情，被迫延迟，而戏中多个恐怖造型，都是由特技化妆师陈嘉伟Gary设计及制作，除了化妆外，他更是这套电影投资者之一，化妆师为何突然做电影老板?他说：“成班partner一齐谂,希望可以反传统，原先系由搅鬼屋开始，跟住餐饮，之后就谂不如搅电影啦，就揾咗导演sunny lau，点解想拍呢?你睇呢个世界就嚟末日㖞，万一人类大灭亡，我哋呢套电影就流传百世喇㖞，至于系咪cult片，就等观众判断喇。”听落一头雾水，但整件事很浪漫，难得香港还有想法天马行空而又去实践的人。

特技化妆香港电影需求不大

Gary很爱香港电影，访问中不时引用港产片电影对白，更引用《黑社会》一段戏，形容对特技化妆这行的想法，他说：“《黑社会》入面我记得任达华对古天乐讲过，‘古惑仔唔用脑，一世都系古惑仔’，同样，特技化妆师唔用脑，一世都系特技化妆师，不过我会连维持生活都做唔到，你谂下香港一年有几套电影需要特技化妆?所以我好早已经谂定，特技化妆系我其中一样工作。”

化妆师vs特技化妆师

又要梦想，又要食饭，可不当帮明星或新娘化妆?反正Gary外型亦非常不错，他说：“我识化妆，但我唔会帮人化妆，因为我希望人哋一谂到特技化妆，就谂起我Gary Chan。(揾少好多㖞?)无所谓啦,我艺术家嚟,哈哈....至于你话收入，化妆师水平我认为不错𠮶啲，收入真系高过特技化妆师，好多好多好多好多好多，因为我哋只不过系一个电影从业员，有工开𠮶阵，收入OK嘅，但你比起做婚礼化妆师，收成一万蚊一日㖞。”

香港电影业基本上全面北移，Gary亦承认内地机会多，发展空间大，但他坚持基地一定要在香港，他说：“你叫我去边到stay几个月冇问题，但我基地一定要喺香港，因为老土咁讲，香港是我家，我喺到长大啰，我所有好同唔好嘅回忆都系呢到，虽然香港电影budget唔多，但如果有港产片揾我，‘无乜钱呀，但又想做啲几好效果’只要我有时间又啱倾嘅，我都会做，那怕我蚀住做，都会做，因为港产片系香港嘅嘢，我只不过系呢个范畴，如果我都唔贡献，我讲乜嘢爱香港呢?”