阿索的故事｜王菀之自爆曾做张敬轩“遮遮” ：焗过㶶面包俾佢食

王菀之（Ivana）今日出席《阿索的故事》首映礼时，表示好感动同好期待，因为在疫情下，见到首映礼有唔少观众到场支持，觉得好难得。

王菀之表示自己都希望透过《阿索的故事》鼓励大家，因为阿索其实唔单单系阿索，而系讲紧香港嘅大家，阿索在戏中都系经历高高低低，又会有不同嘅弯曲，有时虽然会搭错车，但最终都会去到目的地。众所周知，王菀之为了拍《阿索的故事》，特意考了巴士牌，问到有冇打算再揸巴士时，她笑言：“其实之后应该冇机会喇，因为要真系揸巴士载客都要再补多好几十个钟先可以啊！”

另外，王菀之死党张敬轩近日正在举办个人演唱会，问到佢会唔会去撑张敬轩场，她大笑：“呢个系一个好好嘅问题，我去呢就会系一个惊喜，如果我冇去就会系一个惊吓，所以件事唔会话你知住。”讲起张敬轩就会谂起佢屋企个“遮遮”，原来王菀之都有做张敬轩嘅“遮遮” ，她笑说：“我曾经有整过一个花咁大嘅包俾佢，不过因为㶶晒，大家以为系出自‘遮遮’嘅手，其实唔系，系我嚟㗎！”