《食神》谷德昭为唐牛加对白获星爷赞　直言有样嘢叻过周星驰

由金成主持的YouTube节目《叔叔的爱》番外篇，日前播出新一集，今集请来导演谷德昭（Vincent）对谈，当中除了讲起谷德昭年少时的百厌事外，都有提起当年跟周星驰（星爷）合作《食神》、《大内密探零零发》等的趣事，谷德昭更讲到自己有一事叻过星爷添！

谷德昭从未想过演“唐牛”

当年睇《食神》，好多人都怕了由谷德昭饰演的“唐牛”一角，谷德昭笑言当年首次跟作家亦舒见面，自我介绍时，都换来对方一句：“唐牛啊嘛！好可怕！”

谷德昭自言从来没想过，一个极重戏份的“唐牛”角色，会由他来演，当时都有跟一些知名度较高的演员进行试镜，甚至乎连造型都已经定好，但星爷在开会突然：“Vincent，不如你做（唐牛）啦。”谷德昭回应：“你痴线咩，咁重戏，唔得㖞。”

大胆要求星爷唔好闹　否则“飞的闪人”

事后谷德昭都有追问原因，星爷：“边个做都好，总知个人系识嘅，一企喺我侧边，就知将来有计（诡计），咁（都唔发现有问题）我咪好蠢？咁都要好似你咁样，喺侧边人哋先唔知嫁！”此话令到谷德昭深感认同之余，更加答应演出“唐牛”一角，不过他都有提出“要求”：“唐牛这个角色已经超出了我本色演出的范围，离开了我知识以外，所以嚟紧嘅演出多啲少啲做乜，你逐个shot清楚话俾我听，我会尽力演，但唔好闹，一闹我就截的士走！因为人工好低嘅，但系我好愿意尝试去演，两位（星爷、李力持）亦都好畀心机去话俾我听，自己都好努力去掌握点样演。”

一场戏自加对白获星爷赞赏

要获得星爷赞赏并不容易，谷德昭就试过一趟。“记得有一场周生唔喺到，佢事后睇返，就系我掴人个场讲咗句︰‘嬲得我啊！唔好逼我啊嘛！我好人嚟架嘛！’佢赞我个句加得好，算系第一次奖赏我。”

另外，谷德昭都有讲到周星驰的创作风格，只有他本人才做到，才好看，其他人做是不能够，又或者有任何企图模彷他的人，都只会失败收场，又讲到周星驰是个好专注且简单的人，比很多电影人都充满童真。

一件叻过星爷的事

谷德昭笑言自己叻过星爷的事就是冇佢咁怕冻。“我唯一谂嘢可以快过同多过佢的，就是拍紧《大内密探零零发》时。当时上北京拍，天气冻到茶水阿姐倒热茶俾我，拍完cut机再倒返出嚟，啲茶已经变冰。周生当时就系一嗌cut，就话︰‘唔掂，我要上车喇！’就系怕冻才会唔睇个mon，相信我喺冰冻嘅地方可以克制到佢。”