《阿索的故事》王菀之即场揸巴士接载演员　Bob︰惊到交低身后事

由叶念琛执导，王菀之（Ivana）、林盛斌（Bob）、姜皓文、梁汉文、蔡洁主演新戏《阿索的故事》，扮演女车长的王菀之今日（3日）为了宣传电影，再度着上制服打扮成巴士司机，即场揸巴士力证揸车技术！

今次Ivana着上车长制服，揸住双层巴士环绕车厂，当中更有载住叶念琛、袁富华、姜皓文、阿Bob、蔡洁、陈欣妍、孙慧雪等人，问到Ivana刚才揸巴士紧唔紧张时，她坦言：“好紧张，但揸个阵唔觉，有师傅喺隔离提住我，多谢大家嘅勇气同陪伴，冇谂过拍部戏有后路，因为有咗个巴士牌，今次的确系个好特别嘅经历。”导演叶念琛就大爆阿Bob上车前同仔女老婆交代好一切，落车一刻同老婆讲：“今晚可以返嚟食饭！”

其实Ivana为了今次活动昨日（2日）特意到车厂补钟，她笑言：“多谢导演同大家嘅信任，同时好兴奋咁同大家讲，我真系考到巴士牌㗎！其实已经年几冇揸，寻日就有补钟，我都冇担心㗎，担心嘅系大家。不过本身师傅唔俾我转车厂入面个弯，佢话要高手先可以做到，但最后都系俾我转埋，我真系做到。”黑哥就表示坐Ivana车一点都不紧张，早知道她训练有素，Ivana则在旁连问了几次︰“你真系唔紧张？”黑哥唯有答：“我好紧张！不过认真唔够喉，想再坐耐啲，本身以为佢会揸出去㗎嘛！”

及后问到黑哥有冇谂过考多几个牌时，他直言：“我有㗎！除咗有多个牌傍下身，好多戏又话要揸电单车，又话要揸货车，下下话俾人听唔得（好冇瘾），嚟紧会考电单车先！而家啲电单车又大架稳阵好多。”

另外Ivana讲到一开始揸巴士最大挑战系要提住自己唔可以交叉手揸呔，师傅一见到即刻话唔得！之后都好惊，因为惊考唔到就开唔到戏，最终考了两次，虽然导演话无论我考几多次佢都会等我，其实系因为考到先咁讲，考到第4次可能佢已经拍咗第2部了。

最后Ivana讲到睇完戏后，当中有一场黑过的戏令她十分感动，甚至喊埋出来，黑哥：“我同我老婆𠮶场？唐诗咏做得好好，呢个老婆做得好好！一见到佢就已经（情绪）涌紧出嚟！”Ivana补充：“系𠮶种张力好强劲。”