邓丽欣曾跟钱国伟合作《辣警霸王花》 “今年真系有太多坏消息”

港产片《残影空间》由邓丽欣（Stephy）、黑哥姜皓文、余香凝、张建声、蔡瀚亿、凌文龙等人主演，今晚（27日）举行世界首映，Stephy今日着上小背心露出小蛮腰、下身则是蛋糕长裙、再撘配尖头高跟鞋，全身皆为粉红色，就连口罩都是淡粉色，化身迷人Pink Lady。

问及Stephy在《残影空间》有冇边场戏好难忘时，她预告大家会见到好多超现实场面，大家系绝对估唔到。“为今次拍摄，我有强逼自己睇好多变态戏，令自己进入状态，所以大家入场睇都要做好心理准备！”而黑哥则表示：“第一次跟Stephy做戏，但已经好似好熟咁！”Stephy：“佢睇住我大！”黑哥再笑言：“其实自己已经拍得好舒服，系陪住Stephy去见好多病人，成套戏都好吸引！”

当问到Stephy今日终于来到首映日，有否放低心头大石的感觉？“算系一半，因为始终未公映，同埋好想快啲俾大家睇到套戏，始终大家都辛苦咗好耐。（记︰睇到你IG话助手睇过试片，今晚唔敢再睇，有咁恐怖？）有好多人都问我系咪真系咁惊啊？其实唔系咁，呢套唔系鬼片嚟，只系会令你心理压力好大，好易入戏，唔系一套开心嘅戏，会比较黑暗。”

今日“金牌监制”钱国伟病逝，曾于2016年合作《辣警霸王花》的Stephy，今日收到死讯时都表示十分伤感：“好难过，太突然，其实冇听过佢有病，我哋已经好耐冇见。今年真系有太多坏消息，个心真系好伤，希望佢嘅家人同朋友节哀顺变。”