【星战外传】甄子丹整盲自己闯宇宙　打出Jedha派武术风格？

曾被评为本年度最令人期待之作《侠盗一号：星球大战外传》（Rogue One: A Star Wars Story）将在下月中上映，亚洲首轮宣传率先在香港展开，成功杀出地球的“宇宙最强”甄子丹会见传媒时，谈及更多关于自己饰演双目失明的武僧智刃严（Chirrut Îmwe）时的经历。星战是时候找个中国人！

在访谈之间，有记者问甄子丹觉得《星战外传》边个角色最打得？他半信半疑地回答：“我谂我系最打得㗎喇，因为其他都唔识打㗎嘛，或者深藏不露，识咏春我唔知啩。”及后言归正传，“你回想吓之前星战嘅武打，好多都系中国武术嘅招式。”他续说：“据我理解，George Lucas创作星球大战𠮶阵，受咗好多东方文化、历史及哲学影响，从故事内容去睇，呢点其实显然易见，特别是原力呢个概念，就系与武术相连。所以，系时候揾个中国人喇！”

被问到作为首两名华人加入《星战》的感觉如何，甄子丹说：“作为一个香港演员，作为一个中国演员，当然好有成就感，与导演首次会面后，我就知道呢个角色嘅重要性。”顾虑到要离开家人出外工作，他起初有点拿不定主意，但抵不过机会难得的诱惑，“事后觉得好幸运，冇错失良机。”“当知道作伴嘅系姜文，觉得更加好，因为我同佢合作过。”

自己整盲自己　用心感受原力

但要饰演一个双目失明的武僧，算是自己武打生涯的一个挑战吗？“其实系我提议，当时睇过剧本之后，觉得不如令个角色变盲，咁样做好特别，又出众，而当你睇不到嘢，就更要用心去感受，可以同原力（The Force）扯上关系，呢个想法连导演Gareth Edwards都赞good idea。”

之不过，他说初时难以适应，“带上特制嘅隐形眼镜之后，我虽然睇得见，但系有啲模糊。比起原本仲难。当你完全睇唔见，身体自然进入状态，但当你仍然睇到一啲，又要做失明嘅人，就好容易有错觉。开头几个星期我都摸索紧，尽量适应如何喺漆黑环境中活动，去到片场roll机之前，我会合埋眼重拾𠮶种感觉。”

打出Jedha派的武术风格打功夫是身心合一的表达，点对点即时有反应，被问及有没有把武学概念放入电影，甄子丹直言在无意之间总会渗透，“呢次星战嘅台前幕后都对我嘅电影好熟悉，而且有一定尊重同欣赏，在现场嘅每一个take，特别系武打方面，都会同我哋去研究。”但他又说，“而喺我嘅电影世界嚟讲，我大多数根据人物角色设计动作，叶问打咏春因为佢系咏春嘅一代宗师，导火线打MMA都符合角色设定。所以，即使内里有我嘅影子，都会有迎合星战精神嘅地方。”“我冇刻意去界定乜嘢门派，（若果你问我，我会话）Jedha门派。”

除了好打之外，甄子丹谈到对角色智刃严的感觉，“正义、爱国、有原则、有义气，好好打，同我有少少相似！”“一句讲哂，他系一个侠士。唔只我的角色，其他人都系侠士。所以，戏名是侠盗一号嘛！”