百佳一分钟扫货｜《误人子弟》林海峰都有玩　入场先发现限制多多

撰文： 邝钰莹
出版：更新：
林海峰版本嘅一分钟任扫。(影片截图)

百佳嘅《诚心赏你》抽奖活动吸引唔少市民登记，市民除有机会获得百佳现金券外，10名头奖得主更可参与“1分钟扫货”活动。有网民随即列出多种“搬穷百佳的货物”，当中包括酒、电话卡、点数卡、鲍鱼，又或者系收银机。

之前喺学生图书馆练习，好认真。(影片截图)

适逢由黄秋生、林海峰主演嘅电影《误人子弟》，最近推出修复版Blu-ray，再次掀起热潮。而当中更有一幕貌似“超级市场一分钟任扫”的桥段，身为老师嘅两位男士，为咗呢一分钟，将学校图书馆当成货架练习，非常进取。同唔少市民一样，林海峰嘅同事都叮嘱佢都狂扫酒、电器等高价货品，而戏中被林海峰视为女神嘅徐子淇，就佛系心态：“随便啦，唔使架啦”。

林海峰虽然最终只系扫走柠檬荼、罐装饮品，但大奖系徐子淇。(影片截图)

结果当林海峰去到超市、冲到电器部先发现原来有红牌唔拎得，之后嘅红酒架亦贴上红牌，佢唯有转攻柠檬荼、罐装饮品。呢个情况跟现实中百佳《诚心赏你》抽奖活动情况极相似，其实好多货都唔畀扫。相信当年林海峰拍摄时，都未必会谂到桥段会在多年后真实上演。电影中，林海峰去到后期被主持人串佢“优柔寡断、缺乏主见、唔死都无用”，幸好被攻击至石化嘅佢，喺最后10秒冲到零食区，拎走一包女神徐子淇最爱嘅朱古力豆，而佢亦因为呢个举动最后抱得美人归，绝对开心过超级任扫。

点击下图睇林海峰一分扫啲咩

+32