不日成婚｜陈家乐自爆有“老婆仔”　卫诗雅学钢管舞有超性感演出

早前有消息指英皇电影与天下一电影破天荒携手合作，两年内合制及发行10部港产电影，头炮由陈茂贤执导、田启文监制，陈家乐、卫诗雅、谈善言、朱栢康、岑珈其、杨偲泳（Renci）及郭奕芯合演的爱情喜剧《不日成婚》。今午（10日）正式开镜，电影敲定于2021贺岁黄金档上画，希望为观众带来欢乐！

卫诗雅为件戏服练Pat Pat

两位主演陈家乐和卫诗雅接受访问时，讲到虽然有多次合作经验，今次在《不日成婚》中，两人终于饰演一对有结局的情侣。卫诗雅：“上次（《扫毒2天地对决》）因为我死咗，系冇结果嘅，而喺《很想和你在一起》就系（陈家乐）暗恋，今次就真真正正有个开心结局。”

而问到两人会否有亲热戏时，陈家乐即时回答没有，不过卫诗雅则讲到自己有突破性演出，更加不敢畀陈家乐睇，事关她今次将会跳钢管舞，并已经试穿过跳舞衫，但因为件衫太劲，暂时只敢畀“亲信”睇，陈家乐都未睇得住，自言唔止短裤咁简单。“即使在家中都唔会着到咁，系蕾丝好透又唔可以打底会见到肉，总知套衫好劲。套衫令到我好紧张，所以无论呢几日几点收工都要去做gym，练返个Pat Pat。”

陈家乐听闻后回应：“我都好惊！（惊咩啊？） 惊开心得滞，其实导演都唔俾我睇住嘅，要留返拍𠮶日先睇，捕捉我当下流露嘅表情，自己都惊嘅，因为未试过睇咁性感嘅舞，唔知会点，同佢（卫诗雅）又咁熟，好似见住个家姐咁，大家感情太熟，可以话好似拍咗好多年拖咁，家人一样。”卫诗雅都有讲到两人拍锡戏时，就好似锡紧自己手臂一样，似同自己锡一样冇feel。

而在问陈家乐拍亲热戏使唔使备案时，陈家乐：“完全冇呢啲嘢！”但在一旁的卫诗雅即时插嘴：“要啊！要同我侄女备案！因为呢部戏对我自己嚟讲都重要，我有问到我个4岁嘅侄女嚟唔嚟演戏，佢本身答我唔要，但当我话有陈家乐㖞，佢就话要嚟，仲话‘我今日要去演戏啊，因为我老公都去！’好搞笑，而她在戏中饰演陈家乐朋友个女。佢真系大条道理咁叫老公，所以唔可以俾佢知任何绯闻，好彩佢而家未识字。”

陈家乐补充自己是以一包饼成功收买卫诗雅个侄女，指自己成功求婚，因为佢真系太得意，讲嘢又老积，绝对可以凑佢。问及表现如何时，卫诗雅大赞：“佢演得好好，自己会加对白，之前有日临收工突然喊起来，我哋问佢做咩事，佢喊住咁讲因为想继续演落去。”

点击睇更多靓相：