【堕胎师】邓月平公开餐单朝早食火锅　暴胀40磅︰阿妈见到喊出嚟

陈果新作《堕胎师》，正在竞逐金像奖各项提名，早前便率先公开邓月平（Larine）为电影增肥40磅的剧照，增肥前后判若两人，随后邓月平更极速急瘦，实属玩命级数。今日（19日），Larine就公开增肥餐单，分享自己点样花两个月时间由101磅谷肥到143磅，除了要一日食7餐，最夸张是一早起身就先来个打边炉，随后又炒饭又雪糕，十足《97家有囍事》周星驰的情节。

火锅做早餐不是梦

要你在两个月内极速增肥，方法只有一个，就是疯狂食唔停，食物唔肥唔放入口，还有餐数要够多，一日6至7餐是必需的。邓月平︰“由于我的角色是个又肥，智商又有问题的女仔，不可以瘦。我睡前宵夜会有雪糕、Cream、Junk food，而早餐更丰富，一瞓醒就可以食麻辣火锅，余下的食材便做个炒饭，留待午餐。”

点击睇邓月平暴胀餐单

开口埋口尽情食　邓月平：仲辛苦！

Keep Fit难，但原来要保持这个肥妹仔身形都唔易。这样鲸吞法，虽然一个月已见成效，但去到开拍时Larine开始担心︰“我是一拍戏就会瘦的体质，所以要Keep住食唔俾磅数跌得太快。记得拍《堕胎师》时正值夏天，出外景好热，已经没有胃口，但都要夹硬逼自己食晒个饭盒，全日尽情食，其实几辛苦。”

身形暴胀妈妈见到心痛

身形暴胀，当然会带来不便，“开始好多衫着唔落，要买过晒。”22岁女就要谷胀自己再变番瘦，对Larine来说是极大挑战。“整个增肥过程中，妈妈见到我肥得那么厉害，都有喊过，通常妈咪都系叫仔女食多啲，但拍完套戏后，妈咪都逼我减肥，唔俾我食嘢，话我真系好肥。起初我会持住自己青春冇嘢惊，但之后身形急增，开始影响到荷尔蒙失调。”

据知，Larine因为急剧增肥令身体全面失控，荷尔蒙失调，甚至一度停经达四个月，要物色中医调理紊乱体质。

虽然过程痛苦，但Larine觉得值得。“今次角色是个坏脑肥妹仔，四处呃呃骗骗，导演陈果要求我增磅、带眼镜、拎拐杖来配合角色。我记得影后曾美慧孜讲过︰‘戏比天大’，我觉得我终于有个脱胎换骨嘅邓月平俾大家见到，只是当时的增肥过程好低调好保密，令好多朋友以为我要退出娱乐圈，还问点解要自暴自弃搞到咁？”