【小Q．专访】任达华首次演盲人角色　“不安又冇自信”

任达华、梁咏琪、罗仲谦等人主演《小Q》，由日本小说《再见了，可鲁》改编而成。戏中的著名糕点师传李宝庭（任达华　饰）因为失去视力而变得脾气暴躁，三番四次赶走小Q，但小Q对宝庭却不离不弃。从影多年，首次做盲人角色，任达华表示感觉既新鲜又恐惧。“因为带隐形眼镜之后一片白茫茫，基本上系睇唔到任何嘢，既不安又冇自信，𠮶种孤僻同无助系好啱呢个角色。虽然表现上系难，要做到好自然的话，需要配合好多嘢。”

提早带返屋企培养感情
所谓嘅好多嘢，当中包括开拍前将导盲犬布丁带回家中培养感情、默契。任达华说：“每次拍戏我都会早啲到现场睇一睇个环境，再谂下点配合自己嘅对白，今次我系拎指南针去到自己表演区，自己个心有个时钟知道狗狗会喺边个位嚟、边个位走，呢个方式要好小心，因为好多时会做多咗，所以点解要同只狗感情好，因为要等佢知道我百分百相信佢，佢唔会拉我走错位，咁先拍到导演想要嘅嘢，虽然好多人都觉得几不可能。”

戏中任达华在初期十分抗拒导盲犬，其中一幕系又打又闹咁将狗狗赶出屋企门口，狗狗虽然有灵性又聪明，但相信未必能够分辨出真戏假做。“我都好痛苦，拍完𠮶场之后佢嬲咗我两个星期，完全唔理我，比嘢佢食都系咁后退，自己个心好唔舒服。”在付出无限耐性、爱心、零食之后，狗狗终于再次接纳任达华。提到狗狗。梁咏琪说最高峰时曾同时拥有13只，听落都几惊人，但她笑言“都系加多双筷”，并指每日返到屋企被重重包围、满面口水的感觉非常幸福。“狗真系好神奇，我住19楼，每次电梯去到15楼就已经听到佢吠，有时我先生入屋前几分钟，狗狗已经stand by，好似系一种感应。同埋佢哋真系好有灵性，以前我养过一只狗，已经好老，有次出埠两星期，出门之前已经同佢讲定拜拜。之后每日都打返屋企问佢情况，佢最后真系坚持到我返嚟，一家人同佢倾完偈之后好好祥咁离去。”

任达华梁咏琪不愿女儿入行
任达华爱女任晴佳（Ella）早前亮相时装杂志封面，同样身妈妈嘅梁咏琪为此感到十分好奇，未待笔者开口已率先发问：“你有咩感受？咩感觉？”任达华认为这既是回忆、也是认知，希望她可以在父母的保护下，仍拥有自己的经历。“不过如果想拍戏的话就一定会强烈阻止，太辛苦啦。”梁咏琪在旁不停点头表示认同，并透过宝贝女Sofia虽然喜欢唱歌、表演，但由于年纪尚小，所以并不知道表演背后所要付出的代价。“细等佢大个经历下再去选择。”

梁咏琪︰“为自己作出嘅选择去负责”
问到二人会否担心囡囡将来会在IG上载性感照派福利，就如王敏德爱女一样，梁咏琪细想了一会：“我谂其实冇话啱定唔啱，最重要系教导佢为自己作出嘅选择去负责，每件事出来的嘅结果好与坏都系你自己嘅选择、都要自己去面对。”任达华补充说：“好多嘢都要懂得去面对同判断，冇一件事系绝对。”