邝俊宇开直播借《复仇者》吁大家珍惜生命 “身边总有手足陪伴”
香港在6月发生了大大小小的事件，令到不少港人在情绪方面都受到困扰，昨晚（3日）立法会议员邝俊宇特意开“树洞”直播，跟大家倾倾心事，当中更大谈Marvel电影，自爆自己其实系超级粉丝，更以此为例，当中大有含义。
时间过得好快 Marvel都用咗10年时间舖成MCU 3
直播开初邝俊宇已经表明自己好钟意谂未来，更好钟意睇Marvel电影。“利申先我真系好钟意睇Marvel，由08年的《铁甲奇侠》睇到《复仇者联盟4》，我自问都有非常之深厚认识，放心，唔剧透嘅！点解要讲Marvel呢？你知唔知Marvel宇宙啱啱完咗第3阶段，嚟紧就有第4阶段，其实大家记唔记得我哋最初睇《复仇者联盟1》时，我觉得好神奇，你睇下几套唔同嘅电影夹埋有1套大电影嘅时候，我喺戏院真系觉得惊为天人，后尾Marvel就同我哋讲，嚟紧2015年就会有《复仇者联盟2》，仲有《复仇者联盟3》就系打最大𠮶个，就会喺2018年上映。𠮶时大家都会觉得2018年好似好耐，有排都未到，甚至你会同隔离个朋友倾，2018年系4、5年后嘅事，咁我哋会觉得时间过得好耐，结果我哋睇完《复仇者联盟3》化咗灰，再到《复仇者联盟4》大家返咗嚟。”
随后他又提到《奇异博士2》是自己最期待的作品，“你有冇留意到时间系可以好快，只要你脑海入面有未来呢个谂法。咩叫未来呢？原来我会期待一套电影嘅下一集，我会期待《奇异博士》，我觉得佢系一个几得意、几型嘅角色。到第2集应该2020年上映（注：2020年系拍摄，2021年5月7日上映）‘依家先19年真系有排喇！’其实唔系有排㗎各位好快就到，你唔觉得呢几年啲时间好似倒水咁过，我唔知大家有冇呢个谂法。”
珍惜自己不轻言放弃 谂下自己梦想
其实邝俊宇讲了这么久，都是想带出人生仍有很多事情等着大家去做，要珍惜而且爱护自己，睇电影只是人生一部分，而以Marvel为例可能是因为Marvel一个第3阶段的舖排都用了10年，当中有大大少少不同且精彩的故事。最重要的是不要轻易放弃自己的生命，虽大家都是独自一人，但身边总会有一班手足陪伴！”
对比人生，他续说：“原来时间系过得好快，我哋想捉都捉唔住，咁我地就要谂喇，点样可以令到我哋嘅青春同人生不一样，唔一定好伟大，或者至少做到自己想做嘅嘢，大家可以谂下你想做乜你嘅梦想是甚么。”
Marvel有好多电影等紧大家 但都不及自己的故仔精彩
邝俊宇更提醒大家，要谂下将来、要谂下未来的画面，就如刚才有提及的Marvel第4阶段，有终于拍到第3集的《蜘蛛侠》，Uncle Ben已经死了很多次，但系死极都要reboot，这个系列令我觉得好痛心，喻以讉责！然后有《奇异博士》、《银河守护队3》、《黑寡妇》都会上映，净系Marvel都有咁多电影等紧我们，真系要去睇㗎！好紧要㗎㖞！”
其实除了看电影和动画外，有一个故仔好需要睇，就是你自己个故仔。“你的故仔才是最精彩！梦想是你这刻不会做，那么你这辈子都不会做的事，所以各位问一问自己的梦想是甚么？梦想在未来里，所以你一定要照顾好自己，留住自己，才能够实践一些你很想做，而你以为自己做不到的梦想，你会做到㗎各位！只要你由今日立定决心做好某一件事，你一定会做到，信我啊！”