【扫毒2】刘德华古天乐世纪合唱　华仔大赞唱功︰佢睇小咗自己

由邱礼涛执导；刘德华监制联同古天乐、苗侨伟、林嘉欣主演的《扫毒2天地对决》将于7月16日正式上映，两大影帝刘德华和古天乐首次为电影合唱主题曲《兄弟不怀疑》，相信除了两人再度合作之外，这是给粉丝们的一大惊喜！

刘德华︰“唱歌我都系业余”
古天乐在去年跟谢安琪合唱推出了《（一个男人）一个女人和浴室》后，夺得“我最喜爱男歌手”，为他在歌唱事业上一吐乌气。可能是唱出一份自信，今次古天乐再推出合唱歌，首次跟刘德华合唱《扫毒2天地对决》电影主题曲。当大家笑指他为乐坛注入新力量，古天乐笑言：“咁大件事？咁都好可歌可泣啦！唱歌我业余嘅啫。”刘德华闻言也笑说：“我都系业余到而家！哈哈！谂番起对上一首刚阳味重嘅歌，已经系好多年前同伟仔（梁朝伟）合唱嘅《无间道》，所以觉得市场都需要啲男性嘅音乐同歌曲。”

古天乐最想知︰“华哥有冇听过我啲歌呀？”
刘德华的歌曲陪着不少人成长，手上有大量音乐作品，面对这位前辈，在音乐上古天乐最想问华仔咩呢？古天乐笑笑口反问：“华哥有冇听过我啲歌呀？”华仔即说：“有！我都听过好多，但真真正正讲个歌名出来真系几难，哈哈哈！在录音过程中，知道古仔担心自己做得唔好，但佢睇少咗自己，事实上佢做得好好！我几钟意佢在这首歌唱‘关系’𠮶段，大家留意下！”而当古天乐听到要为大家评分时，他即时笑说：“咁我一定系0分，而华哥就100分！”

兄弟不怀疑
《扫毒2天地对决》主要讲述双雄之间的兄弟情，《兄弟不怀疑》的歌词更是出自监制及主角之一的刘德华手笔，这份词写得耐唔耐呢？刘德华：“确实写咗几耐真系唔记得，几日吧！写嘅时候脑内谂住同古仔之间嘅兄弟情、亦有我自己戏内同其他兄弟之间嘅感情！其实份词主要想讲，兄弟之间太客气，有啲嘢一早讲出来就冇事，最后就变成怀疑大家，之前嘅感情开始变质。”问到对歌词方面有冇俾意见，古仔就话：“佢哋有俾份歌词我睇，我第一个反应系：‘唔好玩啦！我都唔识唱歌，点俾意见啫！’”

至于问到他在录音时，脑入面正在想甚么来投入感情，古天乐：“谂起最后Ending 在地铁内嘅画面，十几年嘅兄弟情，因为大家唔肯听大家讲嘢就冇咗。”如果想听古天乐再次开金口唱歌，就一定要听《兄弟不怀疑》喇！

直击录音过程