【九龙不败】郑嘉颖爆毕生难忘经历　喺澳门拍戏拍到被通辑

电影《九龙不败》今天（18日）举行首映礼，而郑嘉颖与刘心悠是戏中的主要演员，当然有出席支持这个首映礼。二人继电视剧《步步惊心》后再度合作，不过嘉颖觉这次有点可惜：“其实今次同心悠好少对手戏，得一两场，希望下次多啲。”

在拍摄电影过程中，有一件事情令到嘉颖毕生难忘：“我系饰演澳门警察，有一场戏要追张晋，当时导演叫我喺某一座大厦跑出嚟，当我入到大厦准备拍跑出嚟嘅时候都有啲奇怪，因为有啲保安问我做咩入嚟，唔入得，但导演叫到紧系要入。拍完之后就同助手去饮咖啡，突然收到一个电话话叫我入警察局，我问做咩要去，佢哋话我被通辑，我话吓点解嘅，原来就系啱啱场戏埸地冇申请，仲要系澳门保安局局长Office，然后请哂成个剧组返去问话，而CCTV见到我个样，所以要我返去问话。不过冇嘅，呢个系人生好宝贵经历，有十几个钟喺里面渡过。但系一赞嘅系澳门警察好Nice，仲问我想食乜。”

而心悠在这套戏中尝试了人生第一次的特技化妆：“戏中我系饰演切除咗胸部嘅女性，所以我要包扎住上半身，然后我胸口黐上一块皮。化妆时候劲多人喺我个胸度画画，都好特别。另一场系张晋面前show个胸畀佢睇。其实拍呢套戏都几辛苦，因为扎住个胸又要跑嚟跑去，其实好难忘。”