【生前约死后】马浚伟投资7位数制作本土电影 望能感动观众
撰文： 赖家杰
出版：更新：
由马浚伟自编自导自演及监制的电影《生前约死后》今天（22日）举行开镜仪式，《生前约死后》由舞台剧搬上大萤幕，加上马仔身兼多职，压力相当之高：“其实今次都集合晒最疯癫嘅岗位喺埋一齐，我承认系有少少分裂，因为成日要换唔同岗位，但都开心，不过之前为咗拍呢部电影我去买咗好多书，睇咗好多唔同电影，始终电视同电影同舞台剧都唔同，不过感恩做咗好多功课弥补自己不足，拍嘅时候都一切顺利。”
戏中女主角顾美华息演多年再演戏，她笑言不会太辛苦：“其实最大压力系导演，佢乜都要睇住，睇住工作时间、睇住演员、睇住钱，因为预算唔系多，所以佢系辛苦。”
说到马仔身兼多职，其实这是他首次执导筒，为了圆导演梦，他已筹备多年：“其实咁多年来我一直都有做功课，电影导演我绝对系新人，我成日都形容我系电影届新晋导演，我觉得我出年都有机会候选金像奖，我好想候选‘新晋导演’，我谂新演员我冇机会。”