【拆弹专家2】爆破场面浪接浪 吴卓羲Baby John力证拍摄安全
撰文： 叶诗
出版：更新：
电影《拆弹专家2》昨天（8日）举行煞科宴，吴卓羲、黄德斌、蔡瀚亿（Baby John）都有出席，三位都异口同声说到电影来到第二部，所有的事情都升级了，Baby John说：“喺唔剧透嘅情况底下讲，就系呢一部戏所炸嘅标志性香港建筑物会更加震撼；而每个角色亦都比上一集更加突破。”黄德斌说：“除咗动作场面，今集连感情都唔系好简单！尤其是刘德华同刘青云之间嘅感情系好值得去睇。”
戏中有不少爆破场面，所以对演员而言亦需要更多安全指引，吴卓羲说：“始终一套咁大型嘅电影，爆嘅时候通常都系真材实料；爆破组、武术指导会帮我哋走晒位，确保喺安全情况底下去拍摄每一个镜头。”Baby John亲身力证拍摄安全，笑言：“第一部我要自爆，而家都可以完整无缺企喺到，就知道大家都系好专业去排练。”黄德斌就说：“我今次唔洗打人，所以就唔会有事。”
《拆弹专家2》有刘德华及刘青云两位影帝加持，三位纷纷都说要向影帝偷师，吴卓羲说：“其实青云哥比较静，我哋就趁佢拍摄嘅时候喺侧边睇佢点演，再尽量去吸收。”Baby John也说：“之前好多人都问我会唔会同前辈偷师，我都会话：‘会啊！我会睇佢哋拍！’唔知系咪因为咁，导演就安排咗今次我拍嘅所有场口都系自己做，所以我唯一偷师就系趁佢哋拍紧嘅时候，我搭车入去睇一睇。”吴卓羲也笑言难怪经常在现场看到Baby John。