四人合体泄露再开拍《特警新人类》玄机　李璨琛：剧本已经筹备紧

李璨琛、冯德伦、吴彦祖和谢霆锋昨晚（14日）在《第三十八届香港电影金像奖颁奖典礼》惊喜登场，事隔20年《特警新人类》再度合体成为热话。李璨琛在庆功宴接受《香港01》访问时表示：“其实呢个组合呢，大大话话都已经20年无试过合体，今次系20年后真真正正合体，其实我哋最主要系希望嚟紧真系可以开拍返《特警新人类3》，所以我哋呢个组合出来系一个preview同前奏！（剧本已经倾紧？）倾紧㗎喇，依家已经筹备紧！”

【金像奖2019】《特警新人类》20年后重聚 谢霆锋吴彦祖扮甩底

璨琛笑言，四人合体拍《特警新人类》续集其实已经构思了很久，只是各自各实在太忙：“Daniel（吴彦祖）同冯德伦又喺美国有自己嘢，谢霆锋就唔使讲啦系咁炒𩠌，我自己又做紧嘢，所以讲就讲咗好耐，真真正正可以埋牙嘅今日系好好嘅开始！”

虽然前作《特警新人类2》已经2000年作品，不过李璨琛坦言20年后仍有心去拍续集全因为心里的一团火：“《特警新人类》对很多香港人来说是一个回忆，虽然过咗20年大家都大咗同老咗，但我哋依然有心、能力、体力去做呢件事，年纪大唔系一个问题！”他坦言希望能够原班人马拍续集，由陈木胜导演执导：“始终我哋系一手一脚由Benny做出嚟，希望今次都系由佢操刀。”

《沦落人》全晚夺得三个奖，包括“新晋导演”、“最佳新演员”和“最佳男主角”，李璨琛坦言见到黄秋生再夺影帝感到很高兴：“我哋之前合作过《野兽刑警》、《上帝之手》、《怪兽学园》，今次合作畀我最大嘅分别系大家都成熟咗，经过20年之后佢嘅演绎方式都升华咗。”不过，他直言无缘夺“最佳电影”感到相当可惜：“呢部戏真系唔容易，首先政府唔够预算，300万讲真，话多又唔多，话少又唔少，但如果系畀一部戏今时今日嚟讲，300万真系唔多。净系车钱、各样那样、买饭你都去咗一部分啦！我𠮶阵20几年前得50万，经历过𠮶段时间，所以我都好明白𠮶个感受。”