【金像奖2019】惠英红再夺女配角：人哋会唔会觉得我太常客呢？

惠英红昨晚（14日）出席《第38届香港电影金像奖颁奖典礼》，并凭著在《翠丝》中的精湛演技打低一众对手，夺得“最佳女配角”奖。红姐在庆功时接受《香港01》记者访问，她坦言：“依家好开心，好轻松，今日突然有一下系有少少压抑同担忧嘅，人哋会唔会觉得我太常客呢，会唔会谂‘哗，又系你啊’，但后尾同自己讲‘唔系啊，我都好畀比机做呢个角色，得唔得奖都唔紧要啦’。”

红姐在台上讲得奖感受时，指自己非常支持新导演，她在得奖后补充：“我应该所有攞奖嘅戏都系新导演嘅作品，唔系为咗攞奖嘅，自己拍任何一个角色前都无谂住攞奖，只不过系自己有少少力量可以去帮下佢哋，都希望成个电影业有啲新血可以做得再好啲啦。”被问到自己是否都想尽量接新导演的戏，红姐指如果有档期一定接，不过前提都是那名导演是真的用心和真心想加入电影圈的。

红姐早前在《亚洲电影大奖》得“最佳女配角”，得奖后在社交平台“找数”上载一张性感的泳装相，她昨晚直言：“今次无啦，唔会啦，bikini已经系尽啦，你话之后仲可以做得啲咩啊？除晒？我除咗观众都唔想睇啦，我都唔好意思啦，唔搞呢啲啦。”