【复仇者联盟4】黑豹自认冇得翻生？　靠三个字战胜剧透诱惑

距离《复仇者联盟4：终局之战》（Avengers: Endgame）上映的日子越来越近，剧组近日正式展开宣传，少不免要接受各大媒体访问，面对记者们的强势追问，一众超级英雄都要咬紧牙根接招，以防唔觉意剧透成为众矢之的。

在《复仇者联盟3：无限之战》（Avengers: Infinity War）中已化灰的“黑豹”Chadwick Boseman，虽然未知会否在第4集出现，但亦成为媒体的追访对象，不过佢把口就密实过密实袋，单凭一个字就足以令记者哑口无言，“剧透者联盟”成员“蜘蛛侠”汤贺兰（Tom Holland）与“变形侠医”（Hulk）麦克雷法路（Mark Ruffalo）绝对值得借鉴！

日前Chadwick Boseman出席电影展览（CinemaCon）宣传新片《21 Bridges》，接受媒体访问时被问到《复仇者4》相关问题，有一番妙问妙答。

记者：观众准备好入场睇《复仇者联盟4：终局之战》啦。
Chadwick：当然。
记者：佢哋抢紧飞，真系好癫。对于大家咁爱呢部电影，你有咩感受？
Chadwick：好正呀，但我死咗，所以唔可以答相关问题嘞。
记者：OK，即系你唔想剧透或者答类似嘅嘢啦。
Chadwick：我死咗。
记者：咁《黑豹2》呢？有冇嘢可以话我哋知？
Chadwick：我死咗。
记者：我哋未接受到你死咗呀Chadwick！
Chadwick：但我系，我死咗。

重温《复仇者3》精彩场面

黑豹果然系黑豹，对答过程霸气十足，面对记者一轮嘴追问都不为所动，凭一句“我死咗”就成功KO对方。观众都好关心佢及其他化灰英雄会否在《复仇者4》翻生，亦系整部戏最大谜团，所以Chadwick Boseman都答得好小心，以免泄露半点风声。之前《复仇者4》导演Russo兄弟自爆预告有假片段，又唔畀完整剧本“剧透王”汤贺兰睇，部戏仲有两个几星期就上画，顶住呀！