【叶问4】甄子丹开镜2日前先睇剧本 终章未必代表完

由“宇宙最强”甄子丹主演的《叶问》电影系列已来到第4集，今日（18日）丹爷在国际影视展就表示自己开机前两日才收到剧本，更露口风指出原来《叶问》来到最终章，也未必无机会再跟大家见面。摄影：陈顺祯

一连四日《香港国际影视展》在湾仔会展举行，其中由甄子丹主演的《叶问4》，同样有在今次影视展中设有“叶问馆”，还原“叶家大宅”，回归叶问一至三集，供粉丝拍照。

今日丹爷接受访问时自爆：“开机前2日先收到剧本，想带新鲜感俾观众。”期后被问及会否害怕不够时间看剧本时，他指：“其实我觉得呢部戏嘅处理同其他戏唔同，始终第一集我唔知道点去做，因为大家俾面，钟意咗我演呢个角色，第4集我唔会演一个唔同感觉嘅人物出嚟，反而我同导演有个默契，系咪要揾个最感性，随性嘅感受，当时我睇完剧本就演出嚟，感觉会更新鲜。”

事关今次《叶问4》是叶问系列的最终章，就连监制黄百鸣都说：“一定唔可以错过第4集，预告暑假上映，最后一集喇，想睇都冇得再睇喇！”问及丹爷《叶问4》就完，会否感到可惜时，他就表示：“呢个世界点都系圆嘅，讲唔得晒，全部都好睇观众，电影嘅嘢千变万化，所以我觉得唔可以排除将来嘅事，最紧要系电影嘅嘢唔好睇得咁实，唔同嘅组合，最紧要个组合有冇产生到新嘅化学作用，如果有唔同嘅电影人、新演员、新或者旧嘅拍档，可以刺激到大家艺术上嘅创作，俾新嘅嘢观众会有好多变化同可能性。”丹爷松口无讲实不再拍叶问，可能《叶问4》后真的有机会再见到做叶问的丹爷！

而饰演丹爷老婆的熊黛林（Lynn）同样表示自己在心态上有所变化，而最大的改变当然是由扮妈妈到真系成为一名妈妈，她：“依家更加可以体会到，一个怀孕妈妈身边有个好老公，爱锡自己、理解自己嘅重要性，𠮶时第2集子丹帮我按脚个𠮶时，我真的不太体会到一个男人有几咁伟大，甄子丹听后即时回应：“其实唔系好伟大，老婆大肚仲辛苦啦！同埋剧情系叶问无钱啫，有钱我揾人日日同你脚底按摩揼足10个钟都得啦！”熊黛林更指自己揾老公的，正是照着丹爷所演的叶问来定下标准。