【沦落人】零片酬接拍等于滥？　黄秋生拣片有自己基准：我好麻烦

黄秋生昨日（3日）以大师兄身份出席演艺学院《香港电影的下一个十年》座谈会，大谈对香港电影未来走向的看法：“香港电影比人优胜嘅地方就系冇市场，于是咪重新再嚟过，重新再嚟过咪生生性性，有好自由嘅空间，大家而家一讲自由就将佢拉落政治到，个自由系创作嘅自由、讲故事嘅自由，好似小朋友喺小学老师叫佢出嚟讲故事咁，如果我畀个空间你，你讲咩都得，咁佢会好有创意，呢个咪自由。”

说起秋生日前凭《沦落人》中的梁昌荣一角夺得第25届香港电影评论学会大奖最佳男演员，秋生就即席寻起奖杯的下落：“个奖喺边㗎？仲未畀我嘅！我等紧个奖，我好钟意个奖，我好高兴可以攞到个奖，真㗎！唔好当我讲笑！成日啲人我讲真又当我讲笑，讲笑又当我讲真！”又表示因为太喜欢这个奖项，所以会亲身出席颁奖礼。问到同样获得金像奖最佳男主角提名，秋生表示：“咁多高手，冇乜信心㗎！发哥㖞！倚天一出谁与争锋！”会出席吗？“睇下到时点啦，冇衫着，肥到啲衫着唔落，冇衫着就唔去喇。”

秋生零片酬接拍《沦落人》，希望多点观众入场支持，票房收益较好的话，自己也能分一杯羹。说到接拍《沦落人》的原因，秋生说：“因为我第一次见有套香港电影系用一个菲律宾人做女主角，我觉得菲律宾人喺香港贡献咗好多，但从来香港电影都冇佢哋嘅位置，甚至有啲电影仲嘲笑佢哋添，所以我觉得好值得去做。点解唔收钱呢就因为佢系政府资助电影，得好少钱，收得少又唔系几好，收得多佢又冇，干脆就唔收。”

问到秋生作为一个演员在选择剧本的时候有什么基准，他说：“我好麻烦、好多基准㗎！例如样衰唔接、坏人唔接、淫虫唔接、肥唔接、乱拍唔接、剧本无聊唔接。”在座谈会中谈到接下来有当导演的打算，秋生表示：“冇咩计划啊，有好多人揾我倾紧嘢，好多可能性。其实我做过导演㗎，不过我部戏行前咗三百年，将来个地球流浪嘅时候就有得睇。”