叶锦添首次于香港举办个人展览　大谈本地电影圈问题：信心唔够

叶锦添（Timmy），集服装、视觉艺术、电影美术创作等于一身的艺术家，在2001年，凭借电影《卧虎藏龙》，斩获第73届奥斯卡金像奖最佳艺术指导，是首位获得该奖项的华人。有关他的“叶锦添：蓝 — 艺术、服装与记忆”正在HKDI Gallery展出，这是叶锦添首次于香港举办的个人展览。

这天午后阳光正好，Timmy以一身黑色装束亮相，一顶反转戴的报童帽，加一条浅色颈巾作装饰，鼻梁上架着一副银色框眼镜，周身散发着艺术气息。今次Timmy作为嘉宾，同一班浸会大学的学生分享创作心得，讲起世界各地学生的不同，他直言：“亚洲学生比较怕丑，欧美的学生对电影好似接近小小，亚洲学生好似有啲想像电影，想像电影系乜嘢，做起上来冇咁轻松，我觉得欧美学生比较轻松，即系拍起片上嚟就好多意见。”

眼光独到并非易事：唔系天才可能一世都做唔到！

电影源于生活，电影拍的就是生活，如果对生活一无所知，怎么可能拍出好的电影？众所周知，Timmy在美指方面的造诣很高，要做好这项工作，最基本的是，要留心生活中的大小事务，善于思考。Timmy说：“你要好细心，咩都要关注，譬如你点解会咁着（衫）？点解会咁坐？点解用本簿而唔系电脑......好多嘢你会发觉佢喺戏剧里边出嚟系唔同咗意思，其实学𠮶个language。譬如80年代，中国人出嚟，有咩特色，令你一睇就知佢喺中国出嚟。”同时，对颜色要敏感，空间如何摆设才是“靓”，Timmy坦言：“单系‘靓’一个字已经好复杂，如果要professional系唔止靓，仲要有dramatic，系啱drama嘅，甚至点样令啲演员走位去增加佢哋两个嘅关系，因为好短，电影企位要合乎剧情，究竟应该喺边度讲嘢？同一句对白佢哋喺呢个房讲又得，或者好多人行埋一边讲，成件事都唔同嘅。我哋做得叻嘅话，做到令演员自己感觉到佢会点坐，呢个系我哋做得最多嘅嘢。”不过，想要拥有独到的眼光，并非一朝一夕，但也未必是历时长就可以做到，“你系天才就唔使好长（时间），如果唔系，可能一世都做唔到。呢样嘢系好讲缘分，有啲嘢你努力都冇用嘅，因为佢系有小小唔可以量化嘅嘢。”，Timmy笑谓。

香港警匪片影响力巨大   Timmy建议香港电影要去揾市场

过去，香港电影受到众人追捧，对整个亚洲甚至世界都有一定的影响力，警匪片绝对是经典之一，著眼现在，似乎大不如前，不过Timmy认为现在的警匪片依然出色：“香港有一班好似杜琪峰、刘青云𠮶班演员，佢哋已经set up一种……归根究底𠮶个根源可能系响𠮶度学习马田史高西斯（Martin Scorsese）嘅嘢，开始去咗快节奏、复杂的人际关系，同埋计算得好精准，节奏好快，世界好坏，但系有一班英雄，成日都系呢几件事，几乎每套戏都好睇嘅，但佢哋个模式已经好成熟，《无间道》有啲唔同，你唔知个主角系忠定奸，即系佢系多咗呢样嘢，已经影响力咁大，亦都影响到美国，呢啲咪变咗香港真正企得住嘅嘢，《英雄本色》都系咁，全部鬼佬都学紧打枪。”对现在的香港电影，Timmy也道出自己的看法：“我觉得市场要去揾，即系香港仲系谂紧香港市场，因为以前嘅香港市场都唔止香港市场，都有东南亚，我觉得唯一方法系你拍出人哋想睇嘅戏，冇乜招数。但系香港有好多技术明星，某个方面，香港电影都几强，但系要睇下可唔可以拍出一啲冇净系香港人睇嘅戏。”

Timmy建议多睇国外电影making of   鼓励电影人大胆创新

一套好的电影，无论台前幕后都非常重要，对于制作技术层面，Timmy也表达自己的建议：“最老土嘅方法，就系睇戏，睇完戏记低晒你钟意嘅嘢，跟住睇making of，呢个最快，因为而家嘅making of拍得好好，因为外国佢想你买佢啲技术，所以佢一路教你点拍。工业化嘅市场竞争系去到一个位，应该系大家点样攞到机缘做创新嘅嘢，但呢个亚洲好似唔知嘅。不过要做到创新好难，大概有99%嘅电影都follow紧𠮶个技术进展，譬如而家开始搞恐龙，我就再拍恐龙，咁我就唔使做𠮶个创新，因为创新可能要3、4倍budget，同埋人力、物力、时间、失败度…...所以边个够胆去做创新，边个就有可能赢，有可能输，但变咗有可能赢。”

时下影视界流量当道   本地剧集缺乏对梳化服重视

在电视剧方面，无论古装定现代剧，内地很多都很注重梳化服、道具、布景等，但反观香港，在这方面似乎关注度不是太高，对此，叶锦添笑言：“我觉得都系观众少。而家个社会同以前唔同，或者系同而家有啲人仲谂紧嘅𠮶样嘢唔同，系流量决定，流量ok即系话观众多，观众多即系有预算，啲投资人会去投资，跟住做靓啲衫，观众钟意睇，香港可能仲未揾到个方法。”

时代变迁更需跨界艺术   Timmy斥不应只看评论放弃睇戏

叶锦添集摄影、服装设计、美术指导等于一身，是一位不折不扣的跨界艺术家，这对电影来讲是否都会有很大影响呢？Timmy自觉不然：“因为而家呢个年代商业嘅模式唔同咗，以前有制片厂，所以佢一定系做电影，但而家变咗各种嘢都有可能，但电影只系一个好似以前发展咗出嚟嘅方法，然之后有好大嘅历史背景，其实唔系好大，都系100年。其实我哋呢一代就系电影呢一代，好相信电影，所以你发觉我哋有个特色，就系对电影好有理想，同后边𠮶班人唔同，因为你又唔可以攞住你呢一代嘅谂法去话‘点解你哋冇理想？’因为我睇到嘅嘢同你睇到嘅嘢唔同，但我自己都尚可，因为我会keep住去feel佢哋嘅嘢，咁变咗而家已经去咗一个光系电影系唔够嘅时代，因为冇人，你讲个大道理，我仲要入电影院去睇你个大道理，可能系一个气氛，可能系一个谂法，可能系一个佢钟意嘅嘢，分散嘅嘢，就唔系话以前我做咗一个经典，我影响晒所有人，唔系𠮶个世界。”

不过，这种变化对电影造成伤害亦或进步，便要取决于电影的类型：“而家其实过渡紧，电影在慢慢变成一种娱乐，冇人要去戏院睇一出歌剧，以前有呢种人，但而家歌剧都要够娱乐，佢哋先会入嚟睇。譬如贾樟柯，以前我哋𠮶个年代，可能会因为佢系一位艺术导演，千方百计去睇佢嘅戏。而家回到比较严肃嘅电影，一样更灾难的嘢，就系每个人都分析呢啲电影，𠮶啲人都唔去睇电影，呢个先系最恐怖，呢个同Steven Spielberg讲嘅‘而家冇可能用手机睇戏’一样，而家每个人都用手机睇，你一直喺度听评论，所有人都睇评论，评论嘅人又参差不齐，之后睇戏嘅时候，就带住呢个评论去睇，就希望攞啲认同感，自己嘅知觉已经消失。”

虽然Timmy无太多时间看年轻一代导演的作品，不过他觉得有的新导演是可喜可贺的，带出一些特别的东西，但有时大众的反应有些过于over：“一个好小嘅嘢，成个电影圈开心到不得了，但我觉得太过夸张，即刻赞美佢，赞美到佢死为止，我觉得有呢个问题，成个电影圈对自己自信心唔够。”