【新喜剧之王】李力持开腔谈星爷：佢啲“星粉” 一定要话好笑

导演李力持今日（22/1）现身马来西亚举行的电影《一起走过的日子》发布会活动。90代初由李力持执导的电影神戏不计其数，当年与周星驰合作无间，最为经典有《唐伯虎点秋香》。

被问到会否重拍续集？李力持坦言：“我就冇兴趣，可能有人有兴趣，我自己有好多题材，以前《唐伯虎点秋香》你见到粒粒都系巨星嚟嘅，连“茄喱啡”都系星，𠮶阵时要多谢向华强，向华胜两位老板，𠮶阵时佢哋嘅号召力威力好强劲，当年拍嘅时候都唔会话：‘导演你有几多期拍呀？’，我哋𠮶阵时冇，拍唔晒咪继续拍啰，所以拍唔晒都冇乜内疚感，但依家拍唔晒就好有内疚感，哈哈！”

导演李力持自《少林足球》后便没有再与周星驰合作，有传两人因拍摄手法闹不和。谈及最近周星驰套贺岁片《新喜剧之王》拍摄睇法。李力持直言：“我好有兴趣问问执行导演邱礼涛先生，究竟佢拍咗拍咗几耐啰，关心下周导演，及佢𠮶啲执行导演，因为佢好钟意用执行导演㗎，点解佢啲戏好睇，点解佢啲戏唔好睇，唔好睇好似系关执行导演事㖞。”

李力持续说：“佢套贺岁片好唔好睇，不予置评，以前畀阿周导演系上面话我唔好笑，唔好啦唔讲啦，你知啦佢哋啲“星粉”好劲呀，一定要话好笑㗎，哈哈！依家睇到阿周导演都好好笑㗎，我一见到佢出嚟我就好笑啦，唔使理个套戏拍成点样，只要阿周导演出嚟就好好笑㗎啦！”

讲起周星驰的关系如何，导演李力持直言：“同阿周导演就唔系好熟啦，我同阿星仔就熟啲，平时我都有同阿星仔交往，因为《盖世豪侠》重播紧，咁咪望下啰，可以怀念过去吖嘛。”