【神探大战】林峰首度与韦家辉合作　“当自己系泥胶咁配合佢”

林峰今日（19日）出席由韦家辉执导的电影《神探大战》煞科宴。首次与韦家辉导演合作的林峰指自己看过很多导演的经典作品，其中当然少不了堪称前作的《神探》：“𠮶阵时我觉得好好睇，今次个名再劲啲，叫《神探大战》，但其实中间系无关连。”

林峰更称呼韦导演做“神编剧”：“我哋演员喺现场都唔知今日嘅剧本发生咩事，因为不停喺度转紧，导演精益求精，每一日都好似打杖咁。”而戏中的动作场面规模绝不输大制作：“我哋每一个角色都好多动作呀，呢套系一套几癫嘅电影嚟，系可以满足到观众，令佢哋意想不到！”

林峰透露早已经获得韦导演钦点，更非常感谢他给予机会一尝心愿：“差唔多年几两年前，我收到韦导演话有套电影，但𠮶阵我记得当时未有档期。其实知道导演揾我已经好开心，冇谂过事隔年几都仲筹备紧，而导演又再次揾返我，真系好开心！”问觉得自己是否符合导演要求？“应该OK啩，你问吓导演啦，哈哈！”林峰更获首次合作的刘青云指点，令他放心应对韦导演：“青云大哥话导演好清楚自己要乜，所以我只要当自己系泥胶，佢想点就去配合佢。”