【恭喜八婆】DaDa陈静未有剧本都照接　新角色叫“大波莲”再突破

由彭浩翔执导的贺岁片《恭喜八婆》今日（31日）在上环举行开镜拜神仪式。顾名思义，彭导今次找来多位“八婆”参演，DaDa陈静便是其中之一。问她本身可有“八婆”的特质？她笑言：“梗系唔似啦！边有人话自己系八婆嚟㗎？不过喺戏入面，我绝对系做一个八婆嘅，系做一个性感嘅八婆。（有剧本未？）未，我净系收到我个角色名啫，好神秘，你知彭导系好有才华嘅人，谂到咩就写入去，而我今次就叫做‘大波莲’！”

“大波莲”超越“爆炸糖”？

若将DaDa和彭浩翔两个名字放在一起，粗略估计有8成人都会即时联想起《低俗喜剧》，继而就是DaDa在戏中的角色“爆炸糖”（其实她叫徐家欣）。虽然她当日凭此角荣获金像奖最佳女配角，但她的角色的确很大胆，今次角色名称叫“大波莲”，DaDa凭此已预视到角色的设定，问她可会有底线？她笑言：“每个人都有底线嘅，（若触犯底线，是否连恩师彭导都不给面子？）我会同佢讲唔好啰！不过佢都无嘅，而第一日合作嘅时候我都同佢讲过我嘅目标同抱负，大家会有默契。同埋佢好叻，佢可以说服到我去做一啲我以前未做过唔敢触碰到嘅尺度。不过佢拍得到同一个角色嘅多面性，呢个先系人生嘅写照，所以我先咁欣赏佢嘅才华。”

点击下图重温下DaDa喺《低俗喜剧》嘅精彩片段：