【岳华病逝】《树大招风》导演黄伟杰赞专业：佢真系收放自如！

著名演员岳华昨晚（20/10）在加拿大病逝，终年76岁。他自1965年出道，50年的演艺生涯拍过无数经典，而最后一部电影作品，就是《树大招风》。《树》片的导演黄伟杰接受《香港01》记者访问时候对岳华的病逝大感可惜，虽然见面次数不多，但他印象深刻：“我记得佢系一个好温文嘅人，其实我都只系前后见过佢三次，两组戏同埋试造型𠮶次。记得第一次见嘅时候，𠮶时我仲系一个新导演，但佢好温和，虽然有一种气势，但唔系震慑𠮶种，令人感到好舒服。佢真系一个大好人，对住我呢啲新导演，佢都好有耐心咁听我讲，仲同返我讲会尽力做，有咩要调较即管讲唔好客气咁。”

黄导对岳华的印象除了是大好人之外，更是一名非常专业的演员：“记得有场戏系拍佢同陈小春角力，当然我都准备好晒所有嘢啦，但佢都准备咗几个方法，仲试畀我睇，而咁啱我哋亦都希望佢收少少力，佢真系收放自如，可以将同一场戏同一句对白有几个唔同版本，喺佢身上我学习到乜嘢叫做专业演员，同埋一种尊重导演嘅态度。”