【无双】面对“票房保证”有压力 周家怡暴瘦获益良多
撰文： 赖家杰
出版：更新：
由周润发及郭富城主演的电影《无双》昨日（2日）晚上举行首映礼，戏中主演之一周家怡出席首映礼时表示非常紧张：“其实我仲未睇，我都好想知道自己演出系点，我知道佢哋剪得好配乐亦好好，所以都好想睇。”虽然正式开画是10月4日，但早在几天前已经有优先场，家怡透露已有朋友去观看了：“𠮶个都话好好睇，一部难得嘅港产片，佢哋觉得正呀！好耐未睇过港产片，都话算系咁多年嚟好睇嘅一套。”
《无双》可以说是巨星坐镇的电影，全因周润发、郭富城及张静初等是票房保证，但这么多巨星支持著这部电影，家怡也能在戏中也占很重比例，听到这里家怡解说：“其实好多谢导演畀呢个角色我，当时我一睇剧本都要睇几次先明白，跟住我一睇到角色系好有发挥，我好多谢佢对我有信心。”戏中角色造型上家怡说到有好大发挥，是否因为这样有助她演技大发挥？“我拍呢一部电影其实我有袋到钱入袋，除左收片酬之外，演戏方面导演教我哋演法呢会将多余嘅沙石抽走咗，所以变咗另一个演戏方法，所以真系好开心，获益良多。”
问到家怡戏中其实拍摄期间角色需要暴瘦，令人怀疑是不是另一个人在饰演？“戏中其实有分前后期，曾经有人讲过睇完唔知道系同一个人，佢哋话番畀佢知系周家怡嚟㗎，不过我自己未睇，所以我都好想睇下系点，我谂我都算系喺戏里面其中一个彩蛋之一。”但家怡本身也是很瘦的女生，怎样的方法令到她再瘦一码？家怡笑言很简单：“拍戏时候好集中，所以为了做好一件事，其他都唔重要。食少啲嘢，再加跑步，发哥经常教我哋跑步，都完之后发哥组成一个《无双团》成日去跑步。”