【麦路人】岑日珈拍戏被嫌唔够逼真　遭导演掌掴：打到我下巴甩骹

电影《麦路人》的卡士阵容鼎盛，郭富城、杨千嬅、张达明、鲍起静、万梓良真的位位都是好剧之人。不过戏中亦都不乏一些电影新面孔，其中戏中饰演一名临盆孕妇的岑日珈可算得上是倾力演出。要说的不是戏中如何揣摩角色，如何为角色去做准备又或是拍电影如何没日没夜的工作，而是纯粹因为《麦路人》中的一场戏去介定她是“搏老命”的演出。

岑日珈接受《香港01》访问时说：“我同顾定轩系最多对手戏，因为我哋系一家人，喺戏入面系好唔啱㗎，就好似现实好多嘅家庭咁好锡对方，但系把口就成日恶言相向，表面上好唔钟意，但系内里系好爱对方。”

岑日珈回忆一场最深刻印象的拍摄场口：“有一幕我要俾轩仔掴，我喺戏入面我系佢长辈，佢好唔妥我嘅时候去到一个位，就好似而家年轻人咁就掴我啰。当然一Take过就唔得啦，Take咗10几Take，个感觉好真实，因为拍完之后真系发觉个牙骹移咗位。（10几Take咁多？）因为佢锡住我啫，佢系从来未打过女人嘅我仲叫佢：‘你嚟啦，放胆打我。’后尾因为佢唔够胆打，导演就亲身示范，就好大力咁我，哈哈，𠮶时我直头系呆咗，仲标眼水想喊。打完之后去仲发现下巴移咗位要去推返正。”虽然如此，但岑日珈也表示没因此而不开心，并谓只是角色需要，“新演员当交学费学下嘢”咁话。