周秀娜角逐东方奥斯卡影后　抽空赴美观赏时装骚

周秀娜去年主演由彭秀慧执导嘅作品《29+1》，于欧洲及亚洲等地影展同颁奖礼上都获得一致好评，同时佢亦首次入围角逐今年《香港电影金像奖》“最佳女主角”。至于被喻为东方奥斯卡、将于今日（9月12日）于宁波举行嘅《十大华语电影盛典》， Chrissie再凭《29+1》角逐“年度最佳女主角”，Chrissie 对此感到既荣幸又兴奋：“梗系开心，《29+1》 能够去到咁多地方，得到咁多人嘅支持同肯定，呢样系好难得， 我会好珍惜。我唔会谂有冇奖，有得被提名已经系对自己嘅鼓励， 最紧要观众钟意，同埋好希望嚟紧嘅日子，可以拍到更多好嘅作品。 ”

除咗拍戏之外，Chrissie早前更应品牌邀请，飞到美国出席活动及欣赏纽约时装骚，期间 Chrissie 并担任媒级客席编辑，访问超模 Kate Moss 及韩国名模朴秀珠等。而大会对娜姐非常体贴，当她抵达纽约后，即把新一季的服装及手袋送去酒店房任娜姐挑选。Chrissie称此行虽然赶到飞起， 头尾连坐飞机来回只得一个礼拜，连适应时差都冇时间， 但她一样觉得好充实，是一个难忘旅程。