【逆流大叔】票房冲破600万　吴镇宇“预告”开续集《逆流大婶》

吴镇宇、黄德斌、胡定欣今日（19日）为电影《逆流大叔》宣传同时为龙舟比赛担任嘉宾。吴镇宇撑著拐杖现身，他笑言：“每隔五、六年就会来一次筋膜移位（有影响到日常生活？）他已经是我日常生活一部份没影响，已经好好多可以休息一下。”

定欣今日首次接触龙舟活动，现场更有专人指导她扒龙舟，镇宇在旁笑言：“你要练习一下，之后揾你开拍《逆流大婶 》。”定欣听完镇宇这样讲有少少不满：“‘逆龄’或者‘妙龄’可唔可以？希望导演下次有关运动的电影都可以揾我。”定欣又指，今次拍完《逆流大叔》已深深被一众男主角迷到，因为他们扒龙舟实在太过有型。

讲到票房突破600万，镇宇表示下星期古老板（古天乐）会请食饭，“可能呢套戏系会发展比较港产片新嘅模式，啲人话冇港产片，我觉得呢一句说话一定唔得。只不过系因为我哋唔可以净系关于香港嘅题材制作费唔高，所以我哋霸嘅戏院唔可以霸咁多。咁《逆流大叔》可能系开启咗一个新模式，就系每条院线都系逐少逐少上，令到口碑可以燃点咗之后，就等多啲观众有机会去睇到我哋拍畀香港人睇嘅港产片，所以天下一都几重视呢次市场嘅策略。”

提到票房过一千万会唔会骚肌派福利？德斌同镇宇都二话不说话过一千万就会影相，镇宇说：“喺屋企影畀你（记者），你帮我登！”。 提到吴镇宇有无信心凭电影问鼎影帝？他谦虚的说：“个原因好悲哀，因为冇乜边套戏可以再符合到香港电影金奖像提名嘅资格，咁解啫，唔关我事嘅大佬，系咪？冇乜嘢再提名，你要几多个percent，而拍呢套戏系只系想拍个正能量运动题材，咁啱我想要嘅嘢再出嚟，我谂搞掂咗个票房先啦。𠮶啲虚名嘅嘢就完咗件事先谂啦。”