【大师兄】甄子丹唔做叶问做老师　回想当年：与同学有碰撞少不免

由甄子丹出品、监制及主演的电影《大师兄》于香港举行首映礼，丹爷为了首映亦隆重歧视，一身校服衣著登场。访问中丹爷也透露自己拍摄呢一部电影相当大风险：“我想拍一部校园教育电影，一路以来大家都知道我拍戏有宗旨，希望带俾大家或者社会正能量，点解我要拍校园电影？因为学生读完书要出嚟社会，咁一切都系由教育开始，但系我话俾投资者知道我要拍教育电影，大家都会觉得有冇搞错，大家紧系觉得要拍《杀破狼》、《导火线》或者《叶问》啦，但我觉得电影喺一个强大平台，能够传递讯息，我希望趁著我仲有少少号召力及影响力，可以透过电影做少少有意义嘅事情，所以拍咗呢一部电影。”丹爷更讲到筹备过程中遇到好多困难，但最后解决成功。

丹爷拍摄电影时，会唔会回想起校园时候嘅佢呢？丹爷就话自己好大感触至真：“如果当初读书可以更加享受个段时间就好，但时间过咗去就冇得番转头，大家都做过学生，所以我拍呢一部戏系希望大家珍惜学习嘅光阴。”问到丹爷会点形容学生时期嘅自己呢？丹爷直言：“其实我冇大家所讲咁调皮，我觉得一个专心练功夫嘅小朋友都唔会差得去边嘅，因为你真系需要好多毅力、专注及时间投放入去。”丹爷笑言小时候喺学校与同学有“碰撞”系少不免。

戏中揾咗一班新面孔嘅年青演员，当初点解会冒险呢？丹爷解释：“我觉得新人演学生先会有一种纯真及真诚嘅感觉，但带出一个问题，佢哋演戏一定系会冇经验，所以点做呢？我揾咗导演叫佢同佢哋日日相处，了解每人特色，花咗好多时间去筹备。”但新演员面对丹爷嘅压力会相当大？丹爷坦言冇俾好大压力佢哋：“初初入去我都觉得佢哋好紧张，但慢慢同佢哋沟通，去开解佢哋，就冇紧张啦。”

内地对演员片酬问题作出规管最近闹得热哄哄，丹爷亦表示唔介意大家知道佢嘅片酬：“其实我觉得电影行业同其他工业一样，你多劳多得，你做几多咪交几多税，至于网上大家讨论𠮶个问题我就唔去评论啦，我觉得每一个案件亦唔同，每个演员所付出嘅市场价值系几多，譬如一部戏投资者十元去俾两元佢，佢𠮶个回报机会可以达到两元，咁咪俾佢，咁都要睇演员付出几多，所有事都一样。”