【非同凡响】与叶童演母女压力大 余香凝：佢会刻意唔同我讲嘢
撰文： 吴子生
出版：更新：
第二届香港儿童电影节今日在尖沙咀举行盛大开幕礼，开幕电影《非同凡响》的台前幕后聚首一堂，出席嘉宾有谷祖琳、余香凝、岑珈其、叶童、廖子妤等人。
余香凝拍电影《骨妹》而与廖子妤成为好姊妹，今次两人再次碰头，在《非同凡响》中大斗演技。廖子妤在戏中饰演一名中度智障人士，直言演技差一点也不行。“我接套戏嘅时候，都知道少戏分，但好钟意呢套戏嘅题材，我哋身边睇唔到会发生嘅事，其实系我哋身边嘅弱势社群，都需要我哋去关心，好多谢剧组安排我去特殊学校度，同啲同学仔上堂，观察佢哋动态呀，模仿佢哋一啲细微嘅动作，会系演戏嘅时候会得到一啲启发。”
余香凝：叶童行一行出嚟已经有气势！
余香凝在电影《非》中与叶童饰演母女，问到跟“母亲”演对手戏会好大压力？“其实当然有压力，但系导演选择嘅时候，叶童小姐嘅气场本身做呢个角色非常适合，因为佢会做一个怪兽家长类型嘅妈妈，咁其实佢行一行出嚟𠮶种气势，已令你有几分敬畏之心，咁佢平时都好Nice嘅，会同我倾计叫我放松啲啊，都会教我做戏呀，但到一啲特别嘅场口，例如一阵佢要闹我呀，要我喊戏啊，佢会刻意唔会同我讲嘢，到一拍嘅时候就会好容易有𠮶种感觉出到嚟。”