【复仇者x世界杯】Avengers球队正选阵容　罗拔唐尼心水原来系…

撰文： 洪晓璇
出版：更新：

2018世界杯分组赛即将完成，星期六晚就会开始16强赛事。今届多队传统劲旅爆冷失分甚至出局，令人大跌眼镜，网友纷纷FF心目中最强队伍。IronMan罗拔唐尼呢日喺官方Facebook贴出一张网友贴图，球员全部都系复仇者联盟成员，真正系无得输呀﹗不过电影中有成50多位超级英雄，呢次嘅11人阵容又系咪大家心水呢？

咁多位超级英雄中拣11个出嚟，其实都几难取舍。（剧照）

《复仇者联盟3：无限之战》4月尾上映时，已经有外国媒体将呢班超级英雄，“组队”踢足球打篮球，仲写埋咩阵容出场最无敌。Iron Man罗拔唐尼衬世界杯都转贴一张网友P图，写上：“Does this make Fury or Black Widow the coach?（Fury或黑寡妇会来做教练吗？）”

【复仇者联盟4】为防剧透　Marvel总裁︰化灰英雄不能在预告登场

罗拔唐尼贴上Avengers最强足球队阵容，仲话想揾Fury或黑寡妇做教练。（罗拔唐尼Facebook）

抵死设定在细节
图中见到有11位超级英雄正选上阵，包括雷神、幻视、WAR MACHINE、HULK、奇异博士、飞隼、IRON MAN、星爵、黑豹、美国队长同埋蜘蛛侠。佢地著上整齐球衣，胸前印上“赞助商”嘅LOGO为Tony stark嘅STARK INDUSTRIES，实属理所当然。睇真啲原来佢地踢嘅唔系World Cup而系Infinity Cup，个奖杯仲要系Thonas嘅无限手套添﹗

电影公司会唔会考虑下真系出呢件波衫呢？（houseofmat IG）

【复仇者联盟】英雄武器劲足料　雷神战锤重80磅无限手套全人手制

右下角个奖杯，唔知包唔包埋六粒无限宝石呢？（houseofmat IG）

英雄排阵有得解
正如喺《复仇者联盟3：无限之战》中，总要分不同岗位分工合作，咁先有最大协同效应。有资深球迷兼影迷就话，呢队最适合踢4-4-2阵式，黑豹同雷神做双箭头前锋，跑起嚟敌队想追都几难；中场有美国队长、星爵、蜘蛛侠同IRON MAN，美国队长喺度指挥大局，随时因应赛事转换战术；后卫有Hulk、WAR MACHINE、幻视及飞隼，铜墙铁壁想攻入都真系好难；如果敌对真系咁劲可以杀到入禁区，仲有奇异博士守龙门，必要时出招将个波转移去另一空间，佢地想输都真系好难啦﹗

网友笑言，奇异博士可以随时将个足球变去对方龙门，咁唔使踢啦﹗（houseofmat IG）
玩开FIFA嘅朋友对呢张图一定唔陌生，原来奇异博士速度最差，但守门龙力高达99分，最强守门员舍佢其谁。（houseofmat IG）
【复仇者】英国狂迷几乎日日入戏院睇Marvel　：屋企人都话我癫【功夫联盟】中国四大高手集合　刘镇伟新作扮《复仇者》伏味浓【蚁侠2】黄蜂女嫌弃蚁侠？　《复仇者4》最想同变形侠医一队【复仇者联盟3】Stan Lee首开腔回应惨剧　“自己设计的都没了”【复仇者联盟】铁甲奇侠领军10周年海报　超级英雄享度身订造标语