【泄密者们】谭小环难忘演《古惑仔》 “一反港姐形象系深刻啲”
撰文： 许育民
出版：更新：
自从谭小环转行卖鱼蛋后，大家都以为我们的港姐冠军要淡出娱圈了！其实唔系，前阵子小环就客串了几部电影，而率先同大家见面的就有跟吴镇宇演夫妻的《泄密者们》。
今次小环要演一位警察，跟镇宇是同袍，由于要做师姐关系，导演邱礼涛就要求她可否淡妆演出？谭小环︰“如果状态好我觉得应该唔好化妆添！”靓，从来都是由自信带出来。
被镇宇闹到真喊
计计数，谭小环对上一次的电影演出已经是2002年的《丰胸秘Cup》，虽然呢部都有吴镇宇，但在戏内就未有同场，所以在《泄密者们》入面，小环系首次跟镇宇合作。“以前喺电视台通常在化妆间见到，未试过真系一齐拍戏。今次合作最难忘系佢好带到我入戏。有场戏讲我想同佢离婚，要佢一埋位就闹到我想喊，之前都好担心培养唔到情绪，点知佢一嚟就好恶好癫咁闹我，教到我真系想喊出嚟，佢真系一个好好嘅对手。”
“遇到钟意嘅角色已经好开心”
其实小环的大银幕演出不多，不过第一部就已经系大家的集体回忆《古惑仔》系列，饰演KK一角。第一次拍戏就有代表作，当时会否有点意料之外？“《古惑仔》系我第一套电影，里面嘅角色同我嘅港姐形象刚好相反，所以系会俾人印象深刻啲。其实有机会遇到自己钟意嘅角色，我已经好开心，唔好话想拍代表作，只要每次接拍嘅电影，尽量拍到最好，俾心机去做，就套套都系我嘅代表作。”
对于演戏，小环其实仲有不少心瘾，工作许可下都会客串下。“我对于演戏都仲好有兴趣，只系近年比较少喺电视幕前同观众见面，但其实去年我都有客串过几部电影，而家有机会拣戏，可以拣以前未做过又想挑战嘅角色。好多人以为我退休唔做娱乐圈，其实我冇，如果有空档我会继续拍戏。”