张智霖拍摄冲凉戏全裸上阵：冲冻水凉大热天时真系爽

由古天乐、吴镇宇、张智霖、周秀娜、胡杏儿等主演的电影《死亡通知单暗黑者：首部曲“双雄会”》来到拍摄尾声，张智霖和胡杏儿著住西装现身拍摄现场，香港近排气温急升，日日都三十几度，在热辣辣的天气下进行拍摄，都咪话唔辛苦呀，不过作为演员，当然都要挨得苦啦，Chilam直言：“演员真系一个玩自己嘅工作啰，喺体能上又系啦，你情绪上又要大起大落啦，咁所以平时都要好好咁去对自己啦。”早前Chilam透露自己今次在戏中扮演一个情绪有问题嘅人，搞到好难抽离，现在终于杀青，Chilam都笑言要尽量抽离。

虽然天气好热，不过Chilam有一场冲凉戏份大叫幸福：“好舒服呀，𠮶场戏，冲冻水凉添。大热天时真系爽，但系𠮶镜头咁大，所以大家咩都唔会睇到。”真是有小小遗憾啦，不过听闻Chilam这场戏没有带泳裤打底㖞：“真系唔记得咗呀（点算呀？）全裸啰，但系只系影到咁多啦。”

还有一个月就到暑假，Chilam已经plan好，带囝囝魔童去英国，但就尚未有具体活动，Chilam表示现在的小朋友一系喺家中打机，或者踩下滑板等等就是最好的休息，不过他就不以为然：“其实我觉得有时去增广见闻好紧要，所以应该要尽可能带佢哋出去玩下，行下博物馆呀，睇下人哋嘅文化，咁嘛享受下唔同嘅温度呀，咁我觉得都系好重要㗎。”Chilam呢位廿四孝爸爸真系唔话得呀。