【某日某月】汤怡首担大旗紧张失眠　愿著泳衣庆功：会怕无人睇

电影《某日某月》即将上映，汤怡首次担正女主角，在戏中饰演喜欢观星的王子月，谈到近日心情，汤怡表示：“近日都好紧张会失眠，琴晚4点几都未训著，搞到今朝早差啲唔知醒，感觉好似我家姐生仔咁，好似到预产期咁样，好紧张，因为第一次做女主角，但我都好有信心嘅。”

电影讲述在90年代初，子月与旭日（原岛大地饰）当中双方遇到很多挫折，并展开一段异地恋。明天就系首映礼，男女主角应该会孖住现身啦，点知汤怡就话：“原岛大地因为喺日本仲要返学，所以听日晚首映佢嚟唔到啦，就因为咁冇左佢系度，我觉得好唔完整。”

汤怡表示票房好会考虑穿著性感泳衣派福利，男士们有眼福啦，但佢又自嘲：“好惊呀会怕冇人睇，自己身材又唔系特别好，自己真系唔好献丑嘛。”近日更分享儿时照片，相中汤怡皮肤黑黑？汤怡感慨说：“唉⋯简直不堪回首，我以前好钟意游水，踩单车，四围走，好喜欢户外，依加我都有跑步，我觉以前晒到黑……女仔白啲会好啲，一白遮三丑，更易吸引异性多啲嘅。”