【复仇者3】星爵Chris Pratt上海孖吴京见面　中外超英倾合作？

撰文： 洪晓璇
出版：更新：
《复仇者联盟3：无限之战》热潮席卷全球。（网上图片）

超级英雄电影长拍长有，Marvel 嘅《复仇者联盟3：无限之战》上映至今全球票房已经超过19亿美金，折合大约149亿港币﹗电影云集数十位超级英雄，但都不敌大反派魁隆，弹指之间一半人灰飞烟灭。大家都知其实一直铺路，《复仇者4》将会有Captain Marvel惊奇队长现身一个救全家，呢日饰演星爵嘅Chris Pratt上载一张同吴京嘅合照，唔通想拉拢埋中国英雄加入对抗魁隆？

同吴京嘅合照Chris只系贴喺微博。（Chris Pratt微博）
星爵Chris Pratt最近飞到上海，宣传另一套新戏《侏罗纪世界：迷失国度》。（视觉中国）
+4

Chris Pratt最近飞到上海宣传《侏罗纪世界：迷失国度》（Jurassic World: Fallen Kingdom），连续几日不停于网上分享上海之行所见所闻，Chris仲相当有心思，Facebook、IG、Twitter上载嘅嘢都有少少唔同。至于同吴京嘅合照呢？就只系贴咗喺微博，咁又系呀目标观众喺晒度呀吗。Chris写上：“我相当幸运可以跟战狼吴京共进晚餐，急不及待想睇续集战狼3﹗”

《复仇者联盟4》片长逾3小时？　导演罗素兄弟“会比上集更长！”【复仇者联盟4】意大利杂志率先爆故事大纲　证实又有英雄牺牲

呢张相，吴京自己系无分享嘅。（Chris Pratt）
之前同狄维庄逊见面，吴京就急不及待贴上微博。（吴京微博）

吴京喺《战狼II》嘅精湛演出连Chris Pratt都拜服，睇返张合照佢地搭晒膊头，Chris仲指住吴京，好似小粉丝见到偶像一样。明明Chris系去宣传《侏罗纪世界：迷失国度》，但内地网友嘅反应大部分都指向《复仇者4》，留言话：“星爵翻身全靠他，打败灭霸就是靠他﹗”、“是吴京，打败灭霸的秘密武器出现了﹗”

一张合照足以令粉丝们无张联想，大家都期待吴京加入Marvel。（微博截图）

仲有网友突破盲点改图，话呢张合照入面嘅系“星爵和京奇队长”，吴京个京，果然系创作力量同幻想会吓你一跳呀。以吴京喺《战狼II》嘅表现，又真系好打得嘅，Marvel会唔会真系考虑一下加多个“京奇队长”呢？

Captain Marvel原来可以译做京奇队长，吴京个京。（微博图片）
麦克雷法路拍毕《复仇者联盟4》　疑告别变形侠医：最后的退出【复仇者联盟4】美国队长著元祖制服　网民推测全队死后回到过去【复仇者联盟3】可以打俾美国队长？　导演︰一个与别不同体验【复仇者联盟3】Marvel英雄成BB名热门选择　第一位原来系佢！【复仇者联盟3】Marvel未来新方向？　组全女班复仇者联盟A-Force