【香港艺术发展奖】黄进夺“艺术家年奖”：杜琪峰系我嘅“伯乐”

鲜浪潮自13年前（2005年）由当时艺发局电影及媒体艺术组主席杜琪峰导演发起之后，一直培育出不少出色的年轻电影创作人，其中比较为人所熟悉的说是凭著《一念无明》而夺得“第36届香港电影金像奖新晋导演”的黄进。昨日，黄进更得到“香港艺术发展局”颁发的“艺术家年奖－电影”的奖项。巧合的是，同场杜琪峰导演也获颁“杰出艺术贡献奖”殊荣，又同是颁发奖项给黄进的颁奖嘉宾。

黄进接受《香港01》访问说：“当然系开心啦，尤其是系喺杜生手上拎到呢个奖，其实呢个奖好大。呢个系好专注喺艺术同创作方面。虽然同金像奖好唔同，但都系一个好重要嘅奖，有好多我好敬重嘅艺术家都拎到呢个奖。收到通知我得到呢个奖嘅时候，其实都几惊讶，因为我呢个年龄通常都系攞新秀，所以我都有啲受宠若惊。同时都提醒自己要再好啲，因为大家咁睇得起我，真系将我哋做咗嘅嘢摆喺心入面。”

黄进：“其实同杜生都识咗好几年，喺银河映像合作过一段日子，主要系跟游乃海，不过久唔久都会见到杜生。银河映像，尤其对是男仔，我呢一代嘅做电影嘅人，冇乜边个男性唔系钟意银河映像，唔钟意杜生。佢哋都系港产片嘅营养。所以杜生颁奖俾我，我真系好开心。（对你嚟讲杜生系神级偶像？）韦生杜生都系啦，对住佢哋2个真系无话可说。（杜生系你嘅‘伯乐’？）绝对系啦，杜生嘅鲜浪潮系我哋呢一辈新电影人一个好重要嘅阶梯。”