神奇女侠姬嘉铎帮华为做代言错用iPhone出文　女英雄都犯人类错误

因为一套《神奇女侠》（Wonder Woman），令女角Gal Gadot姬嘉铎成为DC之光，影坛新一姐。人红自然有人揾佢拍广告，早前内地手机品牌华为（HUAWEI）就大使金钱，揾嚟姬嘉铎做代言人拍全新一辑广告。姬嘉铎都好识做，广告出街就在自己Twitter上载短片，可惜咁有交带嘅举动就出埋咗佢。

事源姬嘉铎为华为拍了最新广告后，一尽代言人之谊，将广告片上载到自己Twitter户口，咁自动自觉认真抵锡。不过唔使一阵，个Post就被发现有极大漏动，在贴文详情入面，有网民见到该Post是由iPhone贴出。

有见事件有发展成公关小灾难的意向，于是在短时间内姬嘉铎的团队已经重新出过一个新帖，并透过公关向外解释，其实姬嘉铎本人好喜欢使用HUAWEI P20，仲有Mate10 Pro，但基于影片档案太大，至改由团队帮忙发帖，才出现今次的错误。言下之意佢真系华为粉丝，不过咁样又系咪唔该讲出华为嘅缺点，上载唔到大片上社交平台呢？算啦，不如我哋睇片算啦，唔好咁介意用咩手机睇。