【复仇者3】Marvel电影总裁谈十年最后悔决定 竟然系雷神中招？
撰文： 陈颖思
出版：更新：
全城期待的Marvel十年大作《复仇者联盟3：无限之战》（Avengers: Infinity War，下称《复仇者3》）昨日终于上映！未睇嘅你，请放心看下去，因为呢篇冇剧透；已睇嘅你，相信都有好多感受想抒发，但记得千其唔好剧透呀！
与一众超级英雄十年来共生死、共荣辱的Marvel影业总裁Kevin Feige，最近被问到众多作品与细节中，最后悔的一个决定是什么，他竟然答…
同“雷神”（Thor）有关！不少观众觉得《雷神奇侠》系列是Marvel电影宇宙里质素较差的一个，但饰演“雷神”的基斯咸士禾夫（Chris Hemsworth）就魅力十足，高大靓仔专一顾家…戏里戏外都是神一般的人物，究竟Kevin有咩唔满意呢？“我谂起都想笑…肯肯定，肯肯定要重头再做一次嘅事，就系我哋唔会喺第一集《雷神奇侠》帮基斯咸士禾夫染金条眉。”
其实佢唔讲、你唔讲、我唔讲，有几多人会留意基斯堂眉出咗事？“因为我哋觉得，雷神系金毛嘅！佢（基斯）都应该要系金毛！咸士禾夫好掂呀，完全消化到，不过我睇完几个镜头，就觉得：‘天呀，阴公啰，我哋帮佢染咗堂怪眉’，好讽刺啰！不过我宜家真系笑得出，因为咸士禾夫系雷神，唔需要长发、披风、大锤或只两粒眼珠，都系雷神。”
Kevin强调每一部Marvel电影都有值得改进的地方，拍完睇同隔几年睇又会有不同想法：“拍完部戏睇一次，要几年之后先再敢去承认：‘噢，我哋真系唔系被迫收档同赶住上映’，真系觉得拍出唻效果几好。再次去睇啲戏点成长同改变都系一件趣事，有啲作品系成功的，但我哋自己知咩事，知道仲有几个版本会有更好效果，但最后最后，结果都系其次，最重要系过程。”