韩国鬼片《疯人院逐个捉》有几惊？　实景超恐怖观众吓到一地爆谷

在韩国近期人气最高的电影要数恐布片《疯人院逐个捉》（韩文片名：곤지암，直译“昆池岩”），故事讲述有个韩国KOL组团闯当地著名闹鬼景点──昆池岩精神病院，揸住部GoPro影足全程，电影以第一身视觉拍摄，令观众如置身于现场般。香港已有片商发行这部电影，过多两个礼拜就有得睇，但入场亲身感受呢套戏有几恐怖之前，不如先睇下韩国观众嘅观后感。

随著时代进步，要拍一套吓到观众的恐怖片越来越难，近年流行玩现场感的第一身实景拍摄手法，当中最为人所熟悉是10年前的《80分钟死亡直播》（[Rec]），以200万美元（约1560万港元）成本刀仔锯大树，斩获逾2.5亿港元片房。去年内地亦有一套低成本《中邪》，讲几个朋友去闹鬼农村探险，杀入康城电影节而声名大噪。

轮到韩国都拍返套手法类似的《疯人院逐个捉》，于世界七大恐怖场所光州昆池岩精神病院取景，由于是低成本制作兼素人演员担正演出，故上映前话题性甚低，但开画首天好评如排山倒海而来，大部分观众话似跟住主角行入鬼屋，齐齐吓破胆，社交网站上一些反应都几好笑，例如有人话要戴定太阳眼镜入场，有嘢隔一隔会冇咁惊；有人就话惊到几乎全程遮住对眼，搞到眼镜印满手指模，用1万3000圜买飞，只系睇咗3000圜嘅内容；另有大批网民不约而同话散场时一地都系爆谷，估计有观众受惊过度，成兜爆谷倒落地下；亦有观众一支公入场，惊到要捉实隔离位陌生人只手，咦？呢招用嚟识女仔都唔错…

点击图片睇昆池岩精神病院实景，唔讲仲以为系海洋公园嘅鬼屋…

愈惊就愈唔敢睇，愈唔敢睇反而就愈想睇，结果《疯人院逐个捉》于南韩上映5日已经冲破100万入场人次，挥低同期上映的大制作《挑战者1号》（Ready Player One），仲刷新南韩恐怖片近10年来最快破百万人次入场的纪录。所谓“桥唔怕旧、最紧要受”，虽然呢一招玩过好多似，但套用在第二个地方上，又制造出另一番恐怖感，取材满足到观众的猎奇心态之余，人传人好评价令其他人未入场都惊到面青，当然票房口碑双收。