【比得兔】配音都要方法演技　James Corden为入戏训足10日兔笼

著名童话《比得兔》（Peter Rabbit）被改编成电影登上大银幕，这只有过百年历史的兔仔与观众共渡复活节。有别于童话中的可爱温驯形象，电影中的比得兔是个反斗又精灵的角色，为保家园与真人男主角大斗法，而为比得兔配音的英国名嘴James Corden为求更入戏，自称用上“方法演技”──在兔笼住足10日，仲仲餐餐食红萝卜同生菜，系真唔系呀？

“我好似兔仔咁生活咗10日，喺街上面摆个铁笼训觉，日日萝卜同生菜当饭食。我仲整埋容，刚刚先埋晒口咋，做啲嘢都系为咗演好呢只兔仔。”讲到咁，James摆到明系吹水，不过他就话即使出尽力声演好比得兔，他的4名子女仍不太欣赏：“我以为今次配音系天下间最有型嘅事，点知佢哋嘅反应系：‘Yeah，是但啦，系啰’。”

比得兔的粤语版配音就由森美负责，仲有第一次配音的陈豪声演比得兔只肥兔朋友“宾仔”，森美话计外型应该同陈豪交换角色，因为比得较宾仔靓仔。虽然森美并非好似James Corden要用上方法演技，但他亦有独特的入戏方法，就系穿上兔毛造的衫裤，配音时亦会戴住兔尾巴，都几搞笑。