【栋笃特工】黄子华假期大杀三方　其余贺岁片票房加埋都唔够佢威

《栋笃特工》自开画以来，一直收到嘅讯息就系两个字︰“脱毒！”黄子华终于凭呢套戏一洗“票房毒药”之名，优先场收近300万，两日破千万，四日过2,000万！
截止昨日（19/2），四日红假连同年三十晚，《栋笃特工》已大收$2,443万。好劲，真系好劲，即系有几劲？可以话你听，呢个数字相等于将三部主要对手的票房《捉妖记2》、《我的情敌女婿》及《西游记‧女儿国》嘅总和！强呀！

新春假期结束，相信连日来大家都睇过唔少贺岁片，从票房数字看都可以反映大家嘅选择。第一位系Marvel的超级英雄电影《黑豹》，大收$3,293万，虽然比起同类型电影稍逊，但依然有睇头。不过大家更关心系华语片的战况，唔使多讲，第一位当然系子华神嘅《栋笃特工》，基本上由2月14日优先场开始，已经起势系咁冲。

相关文章

【栋笃特工】黄子华爆10大制作秘闻 “佘诗曼本来系揾我开剧先”​

【贺岁片】香港《栋笃特工》称霸 内地《唐人街探案2》直逼胡巴

【栋笃特工．多图】波多野结衣 AV女神最记得达哥系“香港木村”

截止（19/2），即系四日红假连同年三十晚的票房，《栋笃特工》已大收$2,443万。第二同第三位分别系《捉妖记2》（$9,644,147）及《我的情敌女婿》（$9,644,007），相差只有$140，咬得好紧，至于《西游记‧女儿国》，就以$501万暂时守尾门。可见《栋笃特工》嘅票房已经大幅抛离对手，至于个幅到有几大？原来$2,443万相等于三部主要对手的票房《捉妖记2》、《我的情敌女婿》及《西游记‧女儿国》总和，仲要有找$14万，咪话唔得人惊。

虽然假期已完，但贺岁档应该仲有一、两个星期玩下，不过睇数字，黄子华已经毫无悬念地成为今年华语贺岁片一哥，系睇下挑唔挑战到《黑豹》。至于阿二之位，反而仲有得争下，到底系《捉妖记2》定系《我的情敌女婿》，真系要睇定啲先知。